ගල්කිස්ස, රත්මලාන දුම්රිය අංගනයේ අද (23) අලුයම වෙඩි තැබීමක් සිදුව තිබෙනවා.
ඒ අනුව දුම්රිය අංගනයේ දේපොළ සොරකම් කිරීමට පැමිණි සැකකරුවන් පස් දෙනෙකු විසින් දුම්රිය ආරක්ෂක නිලධාරීන්ට පහර දී ඇති බවයි පොලීසිය පැවසුවේ.
එහිදී දුම්රිය ආරක්ෂක නිලධාරීයෙකු කළ වෙඩි තැබීමකින් සැකකරුවෙකු තුවාල ලබා තිබෙන බවත් පොලීසිය සඳහන් කළා.
එමෙන්ම සැකකරුවන් කළ පහරදීමෙන් එක් ආරක්ෂක නිලධාරියෙකු තුවාල ලබා ඇති බවයි පොලීසිය පැවසුවේ.
සෙසු සැකකරුවන් පළාගොස් තිබෙන අතර ඔවුන් සොයා මෙහෙයුම් ක්‍රියාත්මකයි.
තුවාල ලැබු සැකකරු සහ දුම්රිය ආරක්ෂක නිලධාරියා ප්‍රතිකාර සඳහා කළුබෝවිල රෝහලට ඇතුළත් කර තිබෙන බවත් පොලීසිය සඳහන් කළා.
