WhatsApp Status යාවත්කාලීන කිරීම් (Status Updates) ප්‍රදර්ශනය කළ යුතු පුද්ගලයන් තෝරාගැනීම සඳහා වඩාත් පහසු සහ විධිමත් ක්‍රමයක් හඳුන්වා දීමට Meta සමාගම පියවර ගනිමින් සිටී.

දැනට පරීක්ෂණ මට්ටමේ (Beta version) පවතින මෙම විශේෂාංගය මගින් පරිශීලකයින්ට තමන් කැමති පුද්ගලයන් පමණක් ඇතුළත් කර ‘සමීපතම මිතුරන්ගේ ලැයිස්තු’ (Custom Lists) සකස් කරගත හැකිය.

වරින් වර Privacy Settings වෙනස් කිරීම අනවශ්‍යයි: මින් පෙර සෑම Status එකක්ම දැමීමේදී Privacy සෙටින්ග්ස් වෙත ගොස් පුද්ගලයන් තේරීමට සිදුවූ අතර, මෙම නව ක්‍රමය යටතේ කලින් සකස් කළ ලැයිස්තුවක් (Named Lists) ක්ෂණිකව තෝරාගත හැක.

නම් කළ හැකි ලැයිස්තු: පරිශීලකයින්ට තමන්ගේ අවශ්‍යතාවය අනුව විවිධ නම් සහ ඉමෝජි (Emoji) යොදාගනිමින් කණ්ඩායම් ලැයිස්තු සකසා ගත හැකිය. (උදා: පවුලේ අය, කාර්යාලයේ මිතුරන්).

Instagram ආකාරයේ Close Friends ලැයිස්තුව: තමන්ට ඉතාම සමීප පිරිසකට පමණක් පෙනෙන සේ Status දැමීමට මින් අවස්ථාව ලැබේ.

පරිශීලකයින්ට Status එකක් පළ කරන අවස්ථාවේදීම හෝ සෙටින්ග්ස් හරහා මෙම ලැයිස්තු සංස්කරණය කළ හැකිය.

යම් ලැයිස්තුවකටStatus එකක් දැමූ පසු, එම ලැයිස්තුවේ සිටින පුද්ගලයන්ට පමණක් පරිශීලකයාගේ profile පින්තූරය වටා විශේෂ වර්ණවත් වළල්ලක් (Coloured ring) දර්ශනය වනු ඇත. එමගින් එය සීමිත පිරිසකට පමණක් පෙනෙන Status එකක් බව හඳුනාගත හැක.

ඔබ Status එකක් දැමූ පසු ලැයිස්තුවෙන් යමෙකු ඉවත් කළහොත්, එම පුද්ගලයාට කලින් දැමූ Status එක තවදුරටත් පෙනෙනු ඇත.

නව වෙනස්කම් බලපැවැත්වෙන්නේ ඉන්පසු දමන Status සඳහා පමණි.

මෙම විශේෂාංගය දැනට Android 2.26.5.11 බීටා සංස්කරණයේ අඩංගු වන අතර, නුදුරු දිනකදීම ලොව පුරා සිටින සියලුම WhatsApp පරිශීලකයින්ට මෙය විවෘත වනු ඇතැයි අපේක්ෂා කෙරේ.