අමෙරිකානු ජනාධිපති ඩොනල්ඩ් ට්රම්ප් විසින් කරන ලද ආරාධනය පිළිගනිමින් ‘සාම මණ්ඩලය’ නමින් හැඳින්වෙන වැඩපිළිවෙළට එක්වීමට ඊශ්රායල අගමැති බෙන්ජමින් නෙතන්යාහු එකඟ වී තිබේ.
නෙතන්යාහු විසින් මෙම ආරාධනය පිළිගත් බව බදාදා දින ඔහුගේ කාර්යාලය විසින් X සමාජ මාධ්ය ජාලයේ තැබූ සටහනක් මගින් තහවුරු කර තිබුණි.
මෙම සාම මණ්ඩලයේ මූලික අරමුණ වන්නේ ගාසා තීරයේ පවතින යුද ගැටුම් අවසන් කිරීමයි.
එම ඉලක්කය සපුරා ගැනීමෙන් පසුව, ලොව වෙනත් ස්ථානවල පවතින ගැටුම් නිරාකරණය කිරීම සඳහා ද මෙම මණ්ඩලයේ කටයුතු ව්යාප්ත කිරීමට බලාපොරොත්තු වන බව සඳහන්.
