ඉංග්‍රීසි ඕඩයේ පිහිටා ඇති චැනල් දූපත් පාදක කරගෙන ක්‍රියාත්මක වූ බ්ලූ අයිලන්ඩ්ස් (Blue Islands) ගුවන් සේවය සිය මෙහෙයුම් අත්හිටවූ බව නිවේදනය කර තිබේ.

සියලුම ගුවන් ගමන් වහාම අවලංගු කළ බව ද එම නිවේදනයේ සඳහන්.

වසර විස්සක් පුරා බ්‍රිතාන්‍ය දූපත් සමූහයේත් සහ ඉන් පිටතත් ගමනාන්ත වෙත සේවා සපයන ලද මෙම ගුවන් සමාගම, ඊයේ (14) සිට වෙළඳාම නතර කළ බව තහවුරු කළේය.

සියලුම වෙන් කිරීම් ද අවලංගු කර තිබුණේය.

ගුවන් සේවයේ ප්‍රධානීන් ප්‍රකාශ කර ඇත්තේ, ‘ඔබගේ සංචාරක සැලසුම්වලට මෙමගින් සිදුවන අපහසුතාවය පිළිබඳව අප දැඩි ලෙස කනගාටු වන’ බවයි.

බ්ලූ අයිලන්ඩ්ස් ගුවන් සේවය සතුව ATR-72 ගුවන් යානා පහකින් යුත් යාත්‍රා සමූහයක් ක්‍රියාත්මක විය.

එය ප්‍රධාන වශයෙන් ජර්සි දූපත බ්‍රිස්ටල්, එක්සෙටර් සහ සවුත්හැම්ප්ටන් ඇතුළු ගුවන් තොටුපළ සමඟ සම්බන්ධ විය.

එමෙන්ම ගර්න්සි සිට සවුත්හැම්ප්ටන් දක්වා සහ ගර්න්සි සිට ජර්සි දක්වා දූපත් අතර ගුවන් ගමන් ද මෙමගින් සපයා තිබුණේය.

මෙම ගුවන් සේවයේ ආසන්න වශයෙන් සේවකයින් 100 ක් පමණ සේවය කළේය.

ජර්සි පාරිභෝගික කවුන්සිලයට අනුව, මෙම බිඳවැටීම හේතුවෙන් මගීන් 1,000 කට වැඩි පිරිසක් අවතැන් වී තිබේ.

මෙම ගුවන් සේවය බිඳවැටීමට පෙර, ජර්සි රජය විසින් බ්ලූ අයිලන්ඩ්ස් සඳහා පවුම් මිලියන 8.5 ක මූල්‍ය ආධාර පැකේජයක් ලබා දී තිබූ නමුත්, 2025 අගෝස්තු වන විට ඉන් පවුම් මිලියන 7ක් නිරවුල් නොවීය.

මෙම සිදුවීමත් සමඟ, ඔක්තෝබර් 28 වන දින ඊස්ටර්න් එයාර්වේස් (Easte Airways) බිඳවැටීමෙන් පසු සති තුනකටත් අඩු කාලයකදී බිඳවැටුණු දෙවන කලාපීය ගුවන් සේවය බවට බ්ලූ අයිලන්ඩ්ස් පත්වෙයි.

බ්ලූ අයිලන්ඩ්ස් තම වෙබ් අඩවිය හරහා පාරිභෝගිකයින්ට උපදෙස් දෙන්නේ, විකල්ප සංචාරක විධිවිධාන සලසා නොමැති නම්, ගුවන් තොටුපළ වෙත නොපැමිණෙන ලෙසයි.

වෙන් කර ඇති ගුවන් ගමන් සඳහා මගීන්ට මූල්‍ය උපදෙස් ලබාදී තිබුණේය.

ලෝගන්එයාර් ප්‍රධාන විධායක නිලධාරීවරයා මෙම බිඳවැටීම කලාපීය ගුවන් සේවා සඳහා තවත් දුක්බර දිනයක් බවට ප්‍රකාශ කළේය.

බ්ලූ අයිලන්ඩ්ස් ගුවන් සේවා අවලංගු කිරීමෙන් පසු, වෙනත් ගුවන් සේවා විසින් එම සමාගමේ මගීන් සඳහා ගලවා ගැනීමේ ගුවන් ගමන් ක්‍රියාත්මක කිරීමට පියවර ගෙන තිබේ.