අමෙරිකා එක්සත් ජනපදය සමඟ වෙළඳාම මත යැපීම අඩු කිරීමට කැනඩාව දරන පුළුල් උත්සාහයේ කොටසක් ලෙස, ඉන්දියාව සමඟ සබඳතා ශක්තිමත් කිරීමේදී තම රජය ලබා ඇති ප්රගතිය කැනේඩියානු අගමැති මාර්ක් කාර්නි අවධාරණය කළේය.
සිය දකුණු කොරියානු සංචාරයේදී ජියොංජු හිදී වාර්තාකරුවන්ට හමුවේ අදහස් දක්වමින් කාර්නි පැවසුවේ ඔවුන් ඉන්දියාව සමඟ ලබාගෙන ඇති ප්රගතිය සහ උපාය මාර්ග දැනටමත් ප්රතිඵල පෙන්වන බවයි.
කැනේඩියානු විදේශ ඇමතිනී අනිටා ආනන්ද් සහ අනෙකුත් කැබිනට් සාමාජිකයින් මෙම සැලැස්ම ඉදිරියට ගෙන යාම සඳහා ඔවුන්ගේ ඉන්දියානු පාර්ශවකරුවන් සමඟ සම්බන්ධ වී සිටින බව ද ඔහු පැවසීය.
එමෙන්ම කැනේඩියානු අග්රාමාත්යවරයා පැවසුවේ තම රජයේ ප්රවේශය දේශීය හා ජාත්යන්තර උත්සාහයන් කෙරෙහි අවධානය යොමු කර ඇති බවයි.
එනම්, විදේශයන්හි මෙම හවුල්කාරිත්වයන් ගොඩනඟා ගනිමින්, එක්සත් ජනපදය මත යැපීම අඩු කරමින් දේශීය ආර්ථිකය ශක්තිමත් කිරීම සඳහා අවධානය යොමු කර ඇතැයි ඔහු පැවසුවේය.
එමෙන්ම “ඉදිරි දශකය තුළ අපගේ එක්සත් ජනපද නොවන අපනයන දෙගුණ කිරීමේ අපගේ අභිලාෂකාමී නව මෙහෙවර අනුගමනය කරන අතරතුර, කැනේඩියානු කම්කරුවන් සහ ව්යාපාර සඳහා නව අවස්ථා විවෘත කිරීම සඳහා ඉන්දු-පැසිෆික් කලාපය පුරා හවුල්කරුවන් සමඟ කටයුතු කිරීම කෙරෙහි කැනඩාවේ නව රජය අවධානය යොමු කර ඇත,” යනුවෙන් අග්රාමාත්ය කාර්යාලය නිවේදනයක් නිකුත් කරමින් පැවසීය.
