‘9-1-1: නැෂ්විල්’ කථාංගයේ පෙනී සිටි අමෙරිකානු තරුණ නිළියක් වන ඉසබෙල් ටේට් 23 හැවිරිදි වියේදී මියගොස් තිබේ.

ටේට්, ඔක්තෝබර් 19 වන දින මියගොස් ඇති නමුත්, මරණයට හේතුව මෙතෙක් හෙළිවී නැති බවයි විදෙස් වාර්තාවල දැක්වෙන්නේ.

රයන් මර්ෆිගේ කතා මාලාවේ ඔක්තෝබර් 30 වන දින විකාශය වන කථාංගයේදී, “In Memoriam” ඇයගේ අවසන් නිර්මාණය දායකත්වය මගින් ටේට්ව සිහිපත් වනු ඇති බවයි එම වාර්තාවල දැක්වෙන්නේ.

ටේට්ගේ නියෝජිතායතනය වන The McCray Agency ඉන්ස්ටග්‍රෑම් ඔස්සේ ප්‍රකාශ කළේ, ‌යොවුන් වියේ සිටම ඉසීව දැන සිටි බවත් ඇය මෑතකදී නැවත රංගනයට පැමිණි බවයි.

ටේට්ගේ සතුන්ට ආදරය කළ අතර සතුන්ගේ නවාතැන්පලකට ගොස් සතුන් සමඟ කල්ගත කිරීමට ඇය කැමති බවත් කිසි විටෙකත් නිදහසට කරුණු නොකී සටන්කාමිනියක් බවයි පැවසෙන්නේ.

ඇය සංගීතයට නැඹුරු වූ අතර, මිතුරන් සමඟ ගීත ලිවීමට හා පටිගත කිරීමට පැය ගණනක් ගත කළ අතර කිහිපයක් ප්‍රකාශයට පත් කිරීමට ද සමත් වී තිබේ.

ඇය වඩාත් ප්‍රිය කළේ පවුලේ අය සහ මිතුරන් සමඟ කාලය ගත කිරීමටයි.