ඉන්දියාව සමඟ පවුම් මිලියන 350ක ආරක්ෂක ගිවිසුමකට අත්සන් තැබූ බව බ්රිතාන්ය රජය නිවේදනය කර තිබෙනවා.
එම ගිවිසුමට අනුව බ්රිතාන්ය විසින් ඉන්දියාවට ගුවන් ආරක්ෂණ මිසයිල සහ මිසයිල විදින උපකරණ සැපැයීමට නියමිත අතර, එමඟින් උතුරු අයර්ලන්තයේ රැකියා විශාල ප්රමාණයක් බිහිවනු ඇති බවයි බ්රිතාන්ය රජය වැඩිදුරටත් නිවේදනය කර ඇත්තේ.
එම ගිවිසුමට අනුව ඉන්දීය හමුදාවට උතුරු අයර්ලන්තයේ බෙල්ෆාස්ට් අගනුවර කේන්ද්ර කරමින් බ්රිතාන්යය නිෂ්පාදනය කරනු ලබන සැහැල්ලු බහුකාර්ය මිසයිල සැපයීමට නියමිතව ඇති අතර, එම ව්යාපෘතිය මඟින් උතුරු අයර්ලන්තයේ රැකියා අවස්ථා 700කට වැඩි ප්රමාණයක් විවෘත වනු ඇතැයි ද විදෙස් මාධ්ය වැඩිදුරටත් වාර්තා කළා.
ඉන්දීය හමුදාවට සැපයීමට නියමිතව ඇති ගුවන් ආරක්ෂණ මිසයිල සහ මිසයිල විදින උපකරණ මේ වනවිට යුක්රේනයට ද සපයනු ලබන බව වාර්තා වනවා.
මීට අමතරව ඊළඟ අදියරේදී ඉන්දීය නාවික හමුදා යාත්රා සඳහා විදත් බලයෙන් ක්රියා කරන එංජිම සැපයීම සඳහා දෙරට අතර පවුම් මිලියන 250ක ගිවිසුමක් ක්රියාත්මක කිරීම සඳහා අත්සන් තැබූ බව ද බ්රිතාන්ය රජය නිකුත් කළ නිවේදනයේ සඳහන් කර ඇතැයි විදෙස් මාධ්ය වාර්තා කරනවා.
