සමාජ මාධ්‍ය ළමා බුද්ධියට බලපාන බව අධ්‍යයනයකින් හෙළිවී තිබෙනවා.

අමෙරිකානු නව අධ්‍යයනයෙන් සොයාගෙන ඇත්තේ සමාජ මාධ්‍ය වැඩියෙන් භාවිතා කරන දරුවන්ට ඔවුන්ගේ සම වයසේ මිතුරන්ට වඩා අඩු සංජානන ක්‍රියාකාරිත්වයක් ඇති බවයි.

වයස අවුරුදු 09ත් 13ත් අතර සමාජ මාධ්‍ය භාවිතය වැඩි දරුවන් අඩු සමාජ මාධ්‍ය භාවිතයක් ඇති දරුවන්ට වඩා නරක ලෙස ක්‍රියා කළ බව ද එහිදී හෙළි කරගෙන තිබෙනවා.

ළමුන් දහස් ගණනක් ඔවුන්ගේ සමාජ මාධ්‍ය භාවිතය මත පදනම්ව කණ්ඩායම්වලට වර්ගීකරණය කර සමාජ මාධ්‍ය භාවිතය සංජානන හැකියාවන්ට බලපාන්නේද යන්න ප්‍රස්ථාර කිරීම සඳහා මතක, කියවීම සහ වචන මාලා පරීක්ෂණ පරාසයක් සම්පූර්ණ කිරීමේ කාර්යය පවරා දෙනු ලැබුවා.

එහිදී අඩු සමාජ මාධ්‍ය භාවිතයක් ඇති දරුවන් වාචික කියවීමේ පරීක්ෂණයකදී 103.5 ක පරිච්ඡේදන ලකුණු ලබා ගෙන ඇති අතර, ඉහළ සමාජ මාධ්‍ය භාවිතයක් ඇති දරුවන් 99.4 සහ 96.7 ක අඩු ලකුණු ලබාගත්තා.

වයස අවුරුදු නවයේදී සමාජ මාධ්‍ය භාවිතය අඩු මට්ටමක පවතින නමුත් දරුවන් වයස අවුරුදු 12 දී උසස් පාසලට ඇතුළත් වන විට එය දැඩි ලෙස වර්ධනය වන බව ද අධ්‍යයනයෙන් සොයාගෙන තිබෙනවා.

අඩු මට්ටමේ සමාජ මාධ්‍ය භාවිතය පවා කුඩා වියේදී බුද්ධි ක්‍රියාකාරීත්වයට අහිතකර ලෙස බලපාන බවටයි පර්යේෂකයින් අනතුරු අඟවන්නේ.