ලෝකවාසී වන්දනාකරුවන් වෙනුවෙන් නේපාලයේ ලුම්බිණි පුදබිම යළි විවෘත කර තිබෙනවා.
ඒ, ඉකුත් සතියේ නේපාලයේ උද්ගත වු මහජන විරෝධතා සහ කැළඹීම් අවසන් වී කත්මණ්ඩු නුවර ඇතුළු නගර රැසක් යථාතත්වයට පත්වෙමින් තිබෙන පසුබිමක් තුළයි.
නේපාලය තුළ පසුගිය දා වර්ධනය වූ නොසන්සුන්කාරී තත්ත්වය සහ මහජන කැළඹීම් හේතුවෙන් ගුවන් ගමන් අත්හිටුවීම හමුවේ ලුම්බිණි පුදබිම වැඳපුදා පැමිණසිටි වන්දනාකරුවන්ට ද ගමනාගමන අසීරුතා මතුවුණා.
විරෝධතා අතරතුර නේපාලයේ ලුම්බිණි පුදබිම වැඳපුදා ගැනීමට ගොස් සිටි ශ්රී ලාංකික වන්දනාකරුවන් 73 දෙනකු ආරක්ෂිතව දේශසීමා ඔස්සේ ඉන්දියාවට ගෙන්වා ගැනීමට බලධාරීන් කටයුතු කර තිබෙනවා.
