ඉතාලියේ ජනප්රිය සංචාරක ගමනාන්තවල නිවාඩු ගත කරන ඊශ්රායල ආරක්ෂක හමුදා (IDF) සොල්දාදුවන් පිළිබඳ වාර්තා සම්බන්ධයෙන් මතභේදයක් වර්ධනය වෙමින් පවතින අතර එය දේශපාලන විරෝධයක් ඇති කරමින් පවතින බවට වාර්තා වනවා.
ගාසා තීරයේ සේවය කිරීමෙන් පසු විවේක කාලයක් සඳහා ඊශ්රායල සොල්දාදුවන් කණ්ඩායම් කිහිපයක් 2024 සහ 2025 මුල් භාගය අතර ඉතාලියේ මධ්යම මාර්චේ ප්රදේශයට ගිය බවයි ඉල් ෆැටෝ ක්වොටිඩියානෝ පුවත්පත වාර්තා කරන්නේ.
රාජකාරියෙන් බැහැර සොල්දාදුවන් ෆියාස්ට්රා විලෙහි විවේක ගනිමින් කොනෙරෝ කලාපීය උද්යානයේ කඳු නැගීම සිදු කළ බවත් වාර්තා වනවා.
විශේෂිත මාර්ගෝපදේශකයින් උපුටා දක්වමින් රෝම පුවත්පතක් වන ඉල් මෙසැගෙරෝ වාර්තා කරන්නේ අමුත්තන් ව්යාජ නම් යටතේ හෝටල් හිමියන්ට හඳුන්වා දෙනු ලබන අතර අවසාන මොහොතේ ඔවුන්ගේ සැබෑ නම් හෙළිදරව් වී ඇති බවයි.
ඉතාලියේ රාජ්ය විකාශන RAI ප්රවෘත්ති වලට අනුව මේ සම්බන්ධව අදාළ නගරවල ප්රාදේශීය නගරාධිපතිවරුන්ට දැනුම් දී නොමැති බව ද සඳහන්.
