අමෙරිකාව විසින් ඩොලර් 800 ට අඩු වටිනාකමකින් යුත් භාණ්ඩ ආනයනය සඳහා නව තීරුබදු පැනවීමට පෙර, ඉතාලියේ ජාතික තැපැල් සේවය එක්සත් ජනපදයට පැකේජ යැවීම තාවකාලිකව අත්හිටුවා තිබෙනවා.
Poste Italiane විසින් මෙම පියවර ගෙන ඇත්තේ ප්රංශය, ජර්මනිය, ස්පාඤ්ඤය සහ එක්සත් රාජධානිය ඇතුළු යුරෝපයේ අනෙකුත් ජාතික තැපැල් සේවාවන් විසින් නව ආනයන බදු පිළිබඳ ව්යාකූලත්වය මධ්යයේ ගත් තීරණයට සමගාමීවයී.
පසුගිය මාසයේ එක්සත් ජනපද ජනාධිපති ඩොනල්ඩ් ට්රම්ප් අගෝස්තු 29 සිට බලපැවැත්වෙන පරිදි එක්සත් ජනපදයට පැමිණෙන අඩු වටිනාකමක් ඇති පැකේජ සඳහා තීරුබදු සඳහා දිගුකාලීන ‘ඩි මිනිමිස්’ නිදහස් කිරීම අහෝසි කිරීමේ විධායක නියෝගයකට අත්සන් තැබුවා.
එක්සත් ජනපද රේගු සහ දේශසීමා ආරක්ෂණ (CBP) ඒජන්සියේ දත්ත වලට අනුව, මෙම නිදහස් කිරීම යටතේ 2024 දී මුළු පැකේජ බිලියන 1.36 ක් එක්සත් ජනපදයට ඇතුළු වී තිබෙනවා.
