ළමුන්ට ලිංගික අපයෝජනය කිරීමේ චෝදනාවකට ඉන්දියානු සම්භවයක් ඇති ගුවන් නියමුවෙකු එක්සත් ජනපදයේදී අත්අඩංගුවට ගෙන තිබෙනවා.
අත්අඩංගුවට ගැනුණු රුස්ටම් භගවාකර්, ඩෙල්ටා ගුවන් සේවයේ සහකාර නියමුවෙකු ලෙස සේවය කරමින් සිටි අතර, සැන් ෆ්රැන්සිස්කෝ ජාත්යන්තර ගුවන්තොටුපළේදී නියමු කුටිය තුළ දී පොලිසිය විසින් ඔහුව අත්අඩංගුවට ගත්තා.
මෙම සිදුවීම සිදුවූයේ ඩෙල්ටා බෝයිං ගුවන් යානයක් මිනියාපොලිස් සිට සැන් ෆ්රැන්සිස්කෝ වෙත ගොඩබැස්වීමෙන් පසුවයි.
යානය නැවැත්වූ වහාම පොලිසිය නියමු කුටියට ඇතුළු වී භගවාකර්ව අත්අඩංගුවට ගෙන තිබෙනවා.
මෙම අත්අඩංගුවට ගැනීම මෙම වසරේ අප්රේල් මාසයේ සිට ළමයින්ට එරෙහි ලිංගික අපයෝජන චෝදනා සම්බන්ධයෙන් පැවති විමර්ශනයක ප්රතිඵලයක් ලෙසයි සිදුව ඇත්තේ.
මෙම සිද්ධිය සැලකිය යුතු අවධානයක් ලබා ඇති අතර, විමර්ශනය තවදුරටත් සිදුවෙමින් පවතිනවා.
එක්සත් ජනපද බලධාරීන් මෙම චෝදනාවල බරපතළකම සැලකිල්ලට ගනිමින් අදාළ නීතිමය ක්රියාමාර්ග ගනිමින් සිටින බව වාර්තා වන්නේ.
