ද්විපාර්ශ්වික සබඳතා ශක්තිමත් කිරීමේ අරමුණින් අමෙරිකානු කලාපයේ රටවල් 5ක නිල සංචාරයක නිරත වූ ඉන්දීය අගමැති නරේන්ද්ර සිය සංචාරය අතරතුර ට්රිනිඩෑඩ් සහ ටුබෑගෝ රාජ්යයේ පාර්ලිමේන්තුව ඇමැතූ පළමු ඉන්දීය අගමැතිවරයා ලෙස ඉතිහාසයට එක්වූ බව ඉන්දීය මාධ්ය වාර්තා කරනවා.
බ්රසීලයේ පැවැති බ්රික්ස් රාජ්ය නායකයන්ගේ සමුළුවට සමාගමීව සිදු කළ එම සංචාරයේදී ඩිජිටල් මූල්ය, පුනර්ජනනීය බලශක්තිය, සෞඛ්ය සේවා සහ තොරතුරු තාක්ෂණය වැනි ක්ෂේත්රවලින් ඉන්දියාවේ සබඳතා පුළුල් කර ගැනීම අරමුණ වූ බව ද ඉන්දීය මාධ්ය වැඩිදුරටත් වාර්තා කරනවා.
එහිදී ඉන්දීය අගමැතිවරයා ට්රිනිඩෑඩ් සහ ටුබෑගෝ රාජ්යය සමඟ යටිතල පහසුකම්, ඖෂධ සහ සංස්කෘතික හුවමාරු වැඩසටහන් වැනි ක්ෂේත්රවල සබඳතා පුළුල් කරගැනීම සඳහා ගිවිසුම්ගත වූ බව ද ඉන්දීය මාධ්ය සඳහන් කරනවා.
පසුගිය 2 වැනිදා ආරම්භ වූ එම සංචාරයේදී ඉන්දීය අගමැතිවරයා ඝානා රාජ්යය, අජෙන්ටිනාව සහ නැමීබියාව රටවල ද සංචාරය කළ බවයි වාර්තා වන්නේ.
