ගමන ආරම්භ කර පැය භාගයකට පමණ පසු ඉන්දුනීසියානු මඟී නෞකාවක් අනතුරට ලක් වී තිබෙනවා.
ඒ බාලි දූපත අසළ ප්‍රදේශයකදියි.
මෙම මගී නෞකාව පුද්ගලයින් 65 දෙනෙකු රැගෙන යමින් සිටින අතරතුරදීයි, මෙසේ අනතුරට ලක්ව ඇත්තේ.
අදාළ නෞකාව ගිලී යාමෙන් මේ වන විට සිව්දෙනෙකු මිය ගොස් 38 දෙනෙකු අතුරුදහන් වී 23 දෙනෙකු දිවි ගලවා ගෙන ඇති බවයි විදෙස් මාධ්‍ය වාර්තා කළේ.
නැගෙනහිර ජාවා හි බන්යුවන්ගි වරායෙන් ඊයේ (02) බාලි බලා මෙම මගී නෞකාව පිටත්ව ගොස් තිබුණා.
අතුරුදන් වූ පුද්ගලයින් සොයා මෙහෙයුම් ක්‍රියාත්මකයි.
