තායිලන්තයේ අගනුවර බැංකොක් නගරය මධ්‍යයේදී අති විශාල විරෝධතාවයක් පැවැත්වුණා.
ඒ වත්මන් අගමැතිනිය පේටොන්ටාන් ෂිනවත්‍රාගේ රජය පිටවීමට බල කරමින්.
මෙම විරෝධතා උද්ගතවූයේ තායිලන්තය සහ අසල්වැසි කාම්බෝජය අතර පවතින දේශසීමා ත්වරණය වූ අර්බුදයක් මතයි.
එමෙන්ම සති කිහිපයකට පෙර මාධ්‍යය හරහා වාර්තා වූ අගමැතිනිය සහ කාම්බෝජයේ හිටපු අගමැති හන් සෙන් අතර සිදු වූ රහස් දුරකථන සංවාදයක් පිළිබඳවද ජනතාව දැඩි විරෝධය පළ කළා.
මෙම සංවාදය තුළ, අගමැතිනිය තම රටේ ජාතික ආරක්ෂාවට හානිකර ලෙස අදහස් පළ කිරීමත්, හමුදා ප්‍රධානියා පිළිබඳ අපහාස සහිත පරිකථන වාර්තා වීමත් විශාල සංවේදනයක් ඇති කළා.
2023 වසරේදී බලයට පත්වූ 38 හැවිරිදි ෂිනවත්‍රා මහතාගේ පාලන කාලය පුරා විවිධ අවස්ථාවලදී විරෝධතා ඇතිවූ අතර, මෙම නවතම ව්‍යාපාරය තාක්‍ෂණිකව හා සංඛ්‍යාත්මකව මෙතෙක් පැවැති විශාලතම විරෝධතා ලෙස විදෙස් මාධ්‍යවලින් වාර්තා කරනවා.
එහිදී, ලබන මාසයේදී අගමැතිනියට එරෙහි විශ්වාසභංග යෝජනාවක්ද පාර්ලිමේන්තුවට ඉදිරිපත් කිරීමට සැලසුම් කර ඇති බව වාර්තා වන අතර, වත්මන් රජයට සහාය දැක්වූ පක්ෂ කිහිපයක්ද මේ වනවිට ඔවුන්ගේ සහාය ආපසු ගැනීමට ක්‍රියාත්මකව සිටිනවා.
