අමෙරිකාවේ නිව්යෝර්ක් නුවර යුදෙව් ජාතිකයන්ගේ සමරුවක් ඉලක්ක කරමින් වෙඩි ප්‍රහාරයක් එල්ල කර කැනඩාවට පලා ගිය පාකිස්තාන ජාතිකයා එරට පොලීසිය මඟින් අත්අඩංගුවට ගෙන යළි අමෙරිකාවට භාර දී තිබෙන බව විදෙස් මාධ්‍ය වාර්තා කරනවා.
හමාස් සංවිධානය විසින් ඊශ්‍රායලයට ප්‍රහාර එල්ල කිරීමේ පළමු සංවත්සරය සැමැරීමට පසුගිය වසරේ ඔක්තෝබරයේ පැවැති එම සැමරුම් උත්සවයට වෙඩි ප්‍රහාරය එල්ල කර ඇත්තේ මුහම්මද් ෂබ්සාබ් ඛාන් නමැති 20 හැවිරිදි තරුණයකු වන අතර, ඔහු ත්‍රස්ත සංවිධානයේ සාමාජිකයකු බවයි වාර්තා වන්නේ.
කැනඩාවේ පුරවැසිභාවය ලැබුවකු වන අදාළ සැකකරු නිව්යෝර්ක් ප්‍රහාරයෙන් පසු යළි කැනඩාවට පලා ගොස් සැඟවී සිටියදී අත්අඩංගුවට පත්වී ඇති අතර, ඔහුට එරෙහිව ත්‍රස්ත පනත යටතේ නඩු පැවැරීමට අමෙරිකාවේ නීති දෙපාර්තමේන්තුව පියවර ගෙන ඇති බව ද විදෙස් මාධ්‍ය සඳහන් කළා.
පසුගිය දශක 3ක කාලයේ අමෙරිකාවේ සිදුවූ විවිධ ත්‍රස්ත ක්‍රියාකාරකම්වලට පාකිස්තාන ජාතිකයන් වරදකරුවන් වී ඇති අතර, වසර 1993දී වර්ජිනියා ප්‍රාන්තයේ පිහිටි සීඅයිඒ මූලස්ථානයට වෙඩි ප්‍රහාරයක් එල්ල කර මවුබිමට පලා ගිය පාකිස්තාන ජාතිකයකු 1997දී අත්අඩංගුවට පත්වී නැවත අමෙරිකාවට භාර දී ඇති අතර, 2002 වසරේදී ඔහුට මරණ දඬුවම නියම වූ බව ද වාර්තා වනවා.
