රුසියාවේ නිෂ්පාදිත S-400 ජංගම ගුවන් ආරක්ෂණ පද්ධති සැපයීම පිළිබඳව මොස්කව් හා නව දිල්ලිය අතර සාකච්ඡා පැවැති බව ඉන්දීය ආරක්ෂක අමාත්‍යාංශය සඳහන් කරනවා.

මෙම සාකච්ඡාව, ෂැංහයි සහයෝගිතා සංවිධානයේ (SCO) ආරක්ෂක අමාත්‍ය මණ්ඩල සමුළුව අරඹමින්, චීනයේ කිංඩාවෝ නගරයේදී සිදු වුණා.

ඉන්දීය ආරක්ෂක අමාත්‍ය රාජ්නාත් සිං සහ රුසියානු ආරක්ෂක අමාත්‍ය ඇන්ඩ්‍රි බෙලූසොව් අතර මෙම හමුව සිදුවූ අතර, දෙරටටම ආරක්ෂක සහ තාක්ෂණික වශයෙන් උචිත විකල්ප සපයන මට්ටමේ තීරණ ගැනීමට එය මූලික වී තිබෙනවා.

ඉන්දීය ආරක්ෂක අමාත්‍යාංශය සඳහන් කළේ, “මෙම හමුව, ‘ඔපරේෂන් සින්දූර්’ ලෙස හැඳින්වූ ඉන්දියාවේ මෑත හමුදා මෙහෙයුම, ගුවන් ආරක්ෂණ හැකියාවන් වැඩිදියුණු කිරීම, සහ Su-30 MKI යානා යාවත්කාලීන කිරීම වැනි විශේෂ අංග මත අවධානය යොමු කරමින් පැවැත්වුණ බවයි.

“ඔපරේෂන් සින්දූර්” යනුවෙන් හැඳින්වෙන්නේ පාකිස්තානයේ ත්‍රස්ත කඳවුරු වෙත ඉන්දියාව මැයි 7 දින සිදු කළ ප්‍රහාරයන්ට අදාළ සංකේත නාමයයි.

එම ක්‍රියාවලිය සිදු වුණේ, ජම්මු සහ කාශ්මීර් ප්‍රදේශයේ සිදු වූ ත්‍රස්ත ප්‍රහාරයකට ප්‍රතිචාරයක් ලෙසයි.

මෙම ගැටුම්කාරී තත්ත්වයන් මැදදී, S-400 පද්ධති ඉන්දියාවේ ගුවන් හමුදා ආරක්ෂාව විශාල ලෙස ශක්තිමත් කර ඇති අතර, අගමැති නරේන්ද්‍ර මෝදිද එයට ප්‍රශංසාවක් දක්වා තිබෙනවා.

ඒ අනුව S-400 වැනි පද්ධති අප රටට පෙර නොදැනුණු ආරක්ෂක ශක්තියක් ලබාදී තිබෙන බවයි ඔහු පවසා ඇත්තේ.

2018දී ඉන්දියාව විසින් ඩොලර් බිලියන 5.43කට රුසියාවෙන් S-400 පද්ධති පහක් මිලදී ගත් අතර, දැනට ඒවාන්ගෙන් තුනක් භාරගෙන ඇති අතර ඉතිරි දෙක 2026 වන විට ලැබීමට නියමිතයි.

මෙම පදනම මත බෙලූසොව් ද මෙහෙයුම් සහ විශේෂ සහයෝගීතා වර්ධනය පිළිබඳව අවධාරණය කළා

ඉන්දීය හමුදාවේ උපකරණවලින් සීමාවට 60% ක් රුසියානු නිෂ්පාදනයන් වන අතර, Su-30MKI යානා 259ක් අතරින් 84ක් ඉදිරියේදී රුසියාවේ සහාය ඇතිව යාවත්කාලීන කිරීමට නියමිතයි.

මෙම පදනම මත බෙලූසොව් ද මෙහෙයුම් සහ විශේෂ සහයෝගීතා වර්ධනය පිළිබඳව අවධාරණය කළා.