ඊශ්‍රායලය විසින් ඉරාකයේ ගුවන් අවකාශය භාවිතා කිරීම අවහිර කරන ලෙස ඉරානය ඉල්ලා ඇති බව විදෙස් මාධ්‍ය වාර්තා කරනවා.

ඉරානය සහ ඉරාකය අතර හදිසි දුරකථන ඇමතුමක් පවත්වා ඇති බවත්, එහිදී ඉරාන ජනාධිපති මසූද් පෙසෙෂ්කියන් මෙම ඉල්ලීම සිදුකර ඇති බවත් එම මාධ්‍ය වාර්තාවල සඳහන්.

ඉරාකය, ඊශ්‍රායලය සහ ඉරානය අතර පිහිටා ඇති අතර, මේ දක්වා ඊශ්‍රායලය ඉරානයට ප්‍රහාර එල්ලකරනු ලැබුවේ ඉරාක ගුවන් අවකාශය ද භාවිතා කරමින්.

ඉරාක ජනපති අබ්දුල් ලතීෆ් රෂීඩ් සමග පැවැති මෙම දුරකථන සංවාදයේ දී ඉරාන ජනාධිපතිවරයා වැඩිදුරටත් පවසා ඇත්තේ, ඊශ්‍රායල ප්‍රහාර දිගටම පැවතුනහොත් එය කලාපයේ අනෙකුත් රටවල් ද අවදානමට ලක්විය හැකි බවයි.

එමෙන්ම ඒ හේතුවෙන් ඉස්ලාමීය ජාතීන්ගෙන් ස්ථිර ස්ථාවරයක් ඉල්ලා සිටින බවයි.

ඉරාන සෞඛ්‍ය අමාත්‍යාංශ වාර්තාවන්ට අනුව, ඊයේ මධ්‍යම රාත්‍රිය වනවිට ඊශ්‍රායල ප්‍රහාරවලින් ඉරාන ජාතිකයින් 128 දෙනෙකු මිය ගොස් තිබෙනවා.

ඉන් ටෙහෙරානයේ ගොඩනැගිල්ලකට එල්ල වූ ප්‍රහාරයකින් ළමුන් 20ක් පුද්ගලයින් 60 දෙනෙකු මියගොස් ඇති බවත් මේ වනවිට තවත් 900ක් පමණ තුවාල ලබා සිටින බවද විදෙස් වාර්තාවන්වල සඳහන්.