අමෙරිකාවේ ලොස් ඇන්ජලීස් ප්‍රාන්තයට ඇඳිරිනීතිය පනවා තිබෙනවා.
අමෙරිකානු ජනාධිපති ඩොනල්ට් ට්‍රම්ප්ගේ සංක්‍රමණික මර්දනයකට එරෙහිව ඇන්ජලීස් ප්‍රාන්ත නගර මධ්‍යයේ කොටසකට නගරාධිපති කැරන් බාස් විසින් ඇඳිරිනීතිය පනවනු ලැබ ඇති බව ප්‍රකාශයට පත් කෙරුණු බවයි අල් ජසීරා පුවත් සේවය පවසන්නේ.
ඒ අනුව ප්‍රාදේශීය වේලාවෙන් රාත්‍රී 8 සිට (GMT බදාදා 03:00) නගර මධ්‍යයේ කොටසකට ඇඳිරිනීතිය ක්‍රියාත්මක වනු ඇති.
ට්‍රම්ප්ගේ පාලනයට එරෙහිව ජනතාව වීදි බැස ඇති අතර, සිදු කරන විරෝධතා හේතුවෙන් ඒවා මර්දනයට ආරක්ෂක අංශ යෙදවීමත් සමග කලහකාරීත්වය ඉහළ ගොස් ඇති බවයි පැවසෙන්නේ.
ලොස් ඇන්ජලීස් නුවර නගරාධිපති කැරන් බාස් වැඩිදුරටත් සඳහන් කර ඇත්තේ මෙවැන්නක්;
“බොහෝ ව්‍යාපාර තැන් විනාශ වී ඇත. ඊයේ රාත්‍රියේ, කොල්ලකෑමට ලක් වූ ව්‍යාපාර 23 ක් ඇති අතර, ඔබ ලොස් ඇන්ජලීස් නගර මධ්‍යයේ රිය පදවන්නේ නම්, සෑම තැනකම විනාශ වූ දේපොළ හා ව්‍යාපාර දක්නට ලැබෙනවා.”
ලොස් ඇන්ජලීස් නුවර ජීවත් නොවන්නෙකු නම් හෝ එහි ප්‍රාන්තයේ රාජකාරී සිදු නොකරන්නේ නම් කිසිම හේතුවකට එම ප්‍රදේශයට ඇතුල් නොවන ලෙසට නගරාධිපතිවරයා ඉල්ලා සිටිනවා.
එසේ ඇතුල් වී ඇඳිරිනීතිය උල්ලංඝනය කරන්නේ නම්, ඊට එරෙහිව ක්‍රියාත්මක වන බව ද බාස් වැඩිදුරටත් සඳහන් කර තිබෙනවා.
ඇඳිරිනීති නියෝගය අදාළ වන්නේ නගරයේ කුඩා කොටසකට පමණක් බවත් එය වර්ග සැතපුම් 502 (වර්ග කිලෝමීටර් 1,300) ආවරණය වන බවත් බාස් පවසා තිබෙනවා.
