රෝහිත් ෂර්මා විශ්‍රාම ගැනීමෙන් පසු ශුබ්මන් ගිල් ඉන්දියාවේ නව ටෙස්ට් නායකයා ලෙස පත් කර තිබෙනවා.
ඔහුගේ පළමු තරගය ජුනි 20 වන දින එංගලන්තයේ ආරම්භ වන පස් දෙනෙකුගෙන් යුත් ටෙස්ට් තරගාවලියයි.
18 දෙනෙකුගෙන් යුත් සංචිතයේ උප නායකයා ලෙස රිෂාබ් පාන්ට් පත් කර තිබෙනවා.
ඉන්දියාවේ තේරීම් කමිටුවේ සභාපති අජිත් අගාර්කර් ශුබ්මන් ගිල්ගේ නව පත්වීම නිවේදනය කළ අතර ඔහු පවසන්නේ ගිල්, විශිෂ්ඨ ලෙස කණ්ඩායමට නායකත්වය දෙනු ඇති බවයි.
එංගලන්තයේදී ගිල්ට මුහුණ දීමට සිදුවිය හැකි අභියෝග පිළිබඳව අදහස් දක්වමින් අගාර්කර් කියාසිටියේ රෝහිත් සහ විරාත් නොමැති වීමත් සමඟ මෙම නව අත්දැකීම ඔහු ජයගනු ඇති බවයි.
ගිල් මෙතෙක් ටෙස්ට් තරඟ හෝ එක්දින තරඟ සඳහා නායකත්වය දී නැහැ.
නමුත් ඔහු 2024 මැද භාගයේදී සිම්බාබ්වේ සංචාරයකදී විස්සයි20 තරඟ පහකදී කණ්ඩායමට නායකත්වයදී ඇති බව සඳහන්.
