පාකිස්තාන ආරක්ෂක අංශ විසින් අද (09) අලුයම යළිත් චන්දිගාර් හි කුප්වාරා සහ උරි හි දේශ සීමා ආසන්නයේ දී ඉන්දීය හමුදාවට වෙඩි තැබීම් ආරම්භ කර තිබෙනවා.
NDTV මාධ්‍ය වාර්තා කළේ මෙම වෙඩි තැබීම් සමග චන්දිගාර්හි ජීවත් වන ප්‍රදේශ වාසීන්ට අනතුරු ඇඟවීමේ නිවේදන නිකුත් කර ඇත්තේ තම නිවෙස්වලින් කිසිම අවස්ථාවක එළියට නො බහින ලෙසට දැනුම්දෙමින් වන බවටයි.
චන්දිගාර්හි වැසියන්ට ගෘහස්ථව රැඳී සිටින ලෙසට ඉන්දීය ආරක්ෂක අංශ දැනුම්දී තිබෙනවා.
සින්දූර් මෙහෙයුම යටතේ ඉන්දියාව පළමු ව පහල්ගම් හි සිදු වූ ත්‍රස්ත ප්‍රහාරයට එරෙහිව පාකිස්තානයට එරෙහිව යුද ප්‍රකාශ කරමින් ගුවන් ප්‍රහාර එල්ල කළා.
නමුත් ඉන්දීය මාධ්‍ය වාර්තා කරන්නේ, තම හමුදා පාකිස්තාන හමුදා කඳවුරු වෙත ප්‍රහාර එල්ල නොකළ බවයි.
නමුත් පාකිස්තානය ඉන්දීය හමුදා ස්ථාන වෙත සහ සෙසු නගර වෙත ද මිසයිල සහ ඩ්‍රෝන ප්‍රහාර රැල්ලක් එල්ල කර තිබෙන බවත් ඒවා සියල්ල ම ඉන්දියාව සාර්ථක ව ව්‍යර්ථ කිරීමට සමත් වූ බවත් ඊට පැය කිහිපයකට පසුව පාලන රේඛාව (LoC) හරහා වෙඩි තැබීම් නැවත ආරම්භ වී ඇති බවයි.
ඊයේ රාත්‍රියේ පාකිස්තානය එල්ල කළ ෂෙල් වෙඩි ප්‍රහාරයෙන් කාන්තාවන් තිදෙනෙකු, ළමුන් පස්දෙනෙකු ඇතුළු සිවිල් වැසියන් 16 දෙනෙකු ජීවිතක්ෂයට පත් ව තිබෙනවා.
ජම්මු, ශ්‍රීනගර්, පන්ජාබ්හි, රාජස්ථානය, බිකනර්, ජෝද්පූර් සහ බාර්මර් හි ප්‍රදේශ වෙඩි සහ ගුවන් ප්‍රහාර හේතුවෙන් පරිසරයම කළු පැහැ ගැන්වී ඇති බවත් වාර්තා වනවා.
ජම්මු සහ කාශ්මීර මහ ඇමතිවරයා පැවසුවේ ඊයේ රාත්‍රියේ පකිස්ථානය විසින් ජම්මු නගරය සහ අනෙකුත් ප්‍රදේශ වෙත එල්ල කරන ලද “අසාර්ථක ඩ්‍රෝන ප්‍රහාරයෙන්” පසු තත්ත්වය සොයා බැලීමට තමන් අද දිනයේ දී එහි පැමිණෙන බවයි.
