ඊයේ (30) දින වතිකානයේ මහා සභාවේ රැස්ව සිටි කාර්දිනල්වරුන් විසින් සකස් කරන ලද ප්‍රකාශයක් එම මාධ්‍ය කාර්යාලය විසින් නිකුත් කර තිබෙනවා.
ඒ අනුව ඉදිරියේදී පැවැත්වෙන සම්මේලනයට සහභාගී වන සියලුම කාදිනල් ඡන්දදායකයින් 133 දෙනාටම නව පාප් වහන්සේ සඳහා ඡන්දය ප්‍රකාශ කිරීමේ අයිතිය ඇති බව කාර්දිනල් විද්‍යාලය නිවේදනය කරනවා.
එමෙන්ම මැයි 7 වන දින ආරම්භ වන සමුළුවට සහභාගී නොවීමට තීරණය කිරීම සම්බන්ධයෙන් කාදිනල් ජියෝවානි ඇන්ජලෝ බෙකියුට ඔවුන්ගේ කෘතඥතාව පළ කර තිබෙනවා.
“පල්ලියේ යහපත හදවතින්ම සිතමින් සහ සමුළුවේ සහයෝගීතාවයට සහ සන්සුන් භාවයට දායක වීම සඳහා, එයට සහභාගී නොවීමට ගත් තීරණය ඔහු දැනුම් දී ඇති බව සභාව සැලකිල්ලට ගෙන තිබෙනවා” ලෙසයි එම ප්‍රකාශයේ සඳහන් වන්නේ.
කාදිනල් බෙකියුට එරෙහි දූෂණ නඩුව සම්බන්ධයෙන් “නිසි අධිකරණ ආයතනවලට නිශ්චිතවම කරුණු තහවුරු කර ගත හැකි” බවට කාදිනල්වරු තම බලාපොරොත්තු එකතු කර තිබෙනවා.
