චීන – පිලිපීන මුහුදු සීමා සම්බන්ධයෙන් දැඩි දේශපාලනික මෙන් ම ජාත්‍යන්තර ව්‍යාකූලත්වයක් පවතින මොහොතක දී චීන රජය විසින් සිය ධජය ඔසවා තිබෙනවා.
ඒ පිලිපීන කඳවුරක් අසල පිහිටි ගල් පරයක් මත යි.
මේ හේතුවෙන් දකුණු චීන මුහුදේ මේ වනවිටත් දැඩි ව්‍යාකූල තත්ත්වයක් දෙපාර්ශ්වය අතර හටගෙන ඇති බවයි විදෙස් මාධ්‍ය වාර්තා කළේ.
සැන්ඩි. කේ. නමැති ගල්පර ස්ථානය මැනිලා හි පැග් – අසා ලෙස නම් කෙරෙන තිටු දූපතේ සිට කිලෝමීටර් 03කට වඩා තරමක් දුරින් පිහිටා තිබෙනවා.
එය මිලිටරි ශ්‍රේණියේ ධාවන පථයක් සහ ආසන්න වශයෙන් පදිංචිකරුවන් 250ක් ඇතුළුව පිලිපීන හමුදා ස්ථාපනයන් සඳහා සත්කාරකත්වය සපයනවා.
දකුණු චීන මුහුදේ ජනාවාස නොවූ ගල්පරයක් මත චීනය “සාගර පාලනය ක්‍රියාත්මක කර ඇති අතර එහි ස්වෛරී අධිකාරිය තහවුරු කර ඇති” බව Japan Times වාර්තාවක දැක්වෙනවා.
චීන රාජ්‍ය මාධ්‍ය විසින් සෙනසුරාදා නිකුත් කරන ලද ඡායාරූපවල, මෙම මස මුල දී චීනයේ ටියෙක්සියන් ජියාඕ ලෙස හැඳින්වෙන සැන්ඩි.කේ ගල්පරය පාලනය කිරීම සඳහා චීන වෙරළාරක්ෂක නිලධාරීන් ධජය දිගහරින ආකාරය දැක්වෙනවා.
Japan Times වාර්තා කරන පරිදි, තායිවානය, වියට්නාමය සහ පිලිපීනය ද හිමිකම් කියන මතභේදාත්මක ස්ප්‍රැට්ලි දූපත් දාමයේ මෙම ගල්පරය පිහිටා තිබෙනවා.
