ඉන්දීය සුප්‍රසිද්ධ ජන ගායිකාවක් වන නේහා සිං රාතෝර්ට විරුද්ධ ව රාජද්‍රෝහී නඩුවක් ගොනු කර තිබෙනවා.

ඒ පසුගියදා සංචාරකයින් 26 දෙනෙකුට මරු කැඳවමින් ජම්මු – කාශ්මීරයේ පහල්ගම් හි සිදු වූ ත්‍රස්ත ප්‍රහාරය සම්බන්ධයෙන් ජාතික විරෝධී ප්‍රකාශ සිය සමාජ මාධ්‍ය ගිණුම් හරහා පළ කිරීමට එරෙහිවයි.

ජම්මු සහ කාශ්මීරයේ පහල්ගම්හි සිදු වූ ත්‍රස්ත ප්‍රහාරයෙන් පසු නිශ්චිත ආගමික ප්‍රජාවක් ඉලක්ක කරගත් බවට නේහා සිං හට චෝදනා එල්ල වී තිබෙනවා.

එය හුදෙක් සමාජයේ එක් කොටසක් ප්‍රකෝපකාරී කරවීමට සමත් බවටයි දැක්වෙන්නේ.

අභය ප්‍රතාප් සිං විසින් ගොනු කරන ලද පැමිණිල්ලේ, රාතෝර් මහත්මිය තම සමාජ මාධ්‍ය ගිණුම් භාවිතා කර “ජාතික විරෝධී ප්‍රකාශ” සිදු කළ බවත්, ඇය වාර්ගික ආතතීන් ඇති කළ බවට චෝදනා කරන බවත් සඳහන්.

අප්‍රේල් 22 වන දින පහල්ගම්හි බයිසරන් නිම්නයේ සිදු වූ ප්‍රහාරයට ගොදුරු වූවන් කිහිපදෙනෙකුගේ පවුලේ සාමාජිකයන් පවසා ඇත්තේ ත්‍රස්තවාදීන් ඔවුන් එක් එක් අය වෙත ගොස් ඔවුන්ගේ ආගම ගැන විමසූ බවයි.

තමන් හින්දු යැයි පැවසූ අය වෙඩි තබා මරා දැමූ බවයි.

නේහා සිං රාතෝර් යනු දේශපාලන උපහාසාත්මක වාදිකාවක් සහ භෝජ්පූරි භාෂාවෙන් ගීත රචනා කිරීම සඳහා ප්‍රසිද්ධ ජන ගායිකාවක්.

ඇය 1997 දී උපත ලබා බිහාර් හි ජන්දාහා හි හැදී වැඩුණා.

2018 දී කාන්පූර් විශ්වවිද්‍යාලයෙන් විද්‍යාවේදී උපාධිය ලබාගත් නේහා කොවිඩ්-19 හේතුවෙන් අගුළු දැමීමේ සංක්‍රමණික සේවකයින්ට ඇති බලපෑම පිළිබඳව දැනුවත් කිරීම සඳහා 2020 මැයි මාසයේ දී YouTube නාලිකාවක් ද නිර්මාණය කළා.