ශ්‍රී ලංකාව ලොව පවුල් සඳහා වඩාත්ම හිතකර රට ලෙස ශ්‍රී ලංකාව නම් කර තිබෙනවා.
ඒ Conde’ Nast Traveler නව වාර්තාවකට අනුවයි.
ලොව පුරා පරිශීලකයින්ට මුදල් යැවීමට උපකාර කරන ඇමරිකානු ප්‍රේෂණ සමාගමක් වන Remitly, නැවත පදිංචි වීමට සලකා බලන අයට දැනුම් දීම සඳහා නිර්මාණය කර ඇති නව ආගමන දර්ශකයක් දියත් කර තිබෙනවා.
2025 මාර්තු මාසයේදී නිකුත් කරන ලද වාර්තාවට අනුව සෞඛ්‍ය සේවා ගුණාත්මකභාවය සහ ආර්ථික ශක්තියේ සිට ආරක්ෂක මිනුම් සහ ඩිජිටල් සම්බන්ධතාවය දක්වා සාධක 24ක් යටතේ රටවල් 82ක් ශ්‍රේණිගත කර ඇති අතර, ඒ සෑම එකක්ම මුළු ලකුණු 100ක් ලබා දෙනවා.
එවැනි එක් සාධකයක් වන්නේ රටක් පවුල් සඳහා කෙතරම් හිතකරද යන්න සලකා බලමින්, එක් එක් ජාතියේ අධ්‍යාපනයේ ගුණාත්මකභාවය සහ ප්‍රවේශ්‍යතාව වැනි දත්ත කරුණු සළකා බැලීමයි.
එමෙන්ම එම සමාගම වැඩිහිටියන් සම්පූර්ණ කර ඇති පාසල් අධ්‍යාපනයේ සාමාන්‍ය වසර, එක් එක් රටෙහි ළමුන් සඳහා පාසල් අධ්‍යාපනයේ අපේක්ෂිත වසර සහ වසරකට ළමා රැකවරණය සඳහා වන සාමාන්‍ය පිරිවැය ඇතුළු සංඛ්‍යාලේඛන භාවිතා කරනවා.
ඉන්පසු වාර්තාව මඟින් පවුල් සඳහා වඩාත් හිතකර රට ස්ථාපිත කිරීම සඳහා සෑම ජාතියකටම ලකුණු ජනනය කරනු ලබනවා.
එහිදී ශ්‍රී ලංකාව පළමු ස්ථානයට පත්ව තිබෙනවා.
මෙම ස්ථානයට පත්වීම සඳහා අධ්‍යාපන ක්‍රමය සඳහා ආකර්ෂණීය ලකුණු (1.0 න් 0.7) ලබා ගත් අතර වසරකට ඩොලර් 354.60 ක අඩු වාර්ෂික ළමාරක්ෂක පිරිවැයක් ලබාගෙන තිබුණා. (ඇමරිකා එක්සත් ජනපදයේ ඩොලර් 16,439.40 ට සාපේක්ෂව, එය 10 වන ස්ථානයේ පසුවුණා).
මේ අතර 2025 දී පවුල් සඳහා වඩාත්ම හිතකාමී රටවල් 10 පහත පරිදි ශ්‍රේණිගත කර තිබෙනවා.
10. USA
9. Australia
8. Denmark
7. Finland
6. Germany
5. Iceland
4. New Zealand
3. Norway
2. Sweden
1. Sri Lanka
