සිංගප්පූරුවේ විශාලතම බැංකුව වන ඩීබීඑස් (DBS), ඉදිරි වසර තුන තුළ තම සේවක සංඛ්යාව රැකියා 4,000කින් පමණ අඩු කිරීමට සැලසුම් කර තිබෙනවා.
මෙම තීරණයට හේතු වී ඇත්තේ බැංකුවේ මෙහෙයුම් තුළ කෘතිම බුද්ධිය (AI) වැඩි වැඩියෙන් ඒකාබද්ධ කිරීමයි.
මෙම තාක්ෂණය සාම්ප්රදායිකව මිනිසුන් විසින් ඉටු කරන ලද කාර්යයන් භාර ගැනීමට නියමිතයි.
DBS බැංකුවේ ප්රකාශිකාවක් BBC ප්රවෘත්ති සේවයට ප්රකාශ කර ඇත්තේ “සේවක සංඛ්යාව අඩු කිරීම ඉදිරි වසර කිහිපය තුළ තාවකාලික සහ කොන්ත්රාත් කාර්යභාරයන් ස්වාභාවික ක්ෂය වීමත් සමඟ සිදු වනු ඇත” යන්නයි.
ස්ථිර සේවකයින්ට මෙම රැකියා කැපීම් බලපෑමක් ඇති නොවනු ඇතැයි අපේක්ෂා කෙරෙනවා.
දැනට සේවයෙන් ඉවත් වන බැංකුවේ ප්රධාන විධායක නිලධාරී පියුෂ් ගුප්තා පවසා ඇත්තේ කෘතිම බුද්ධිය හා සම්බන්ධ නව රැකියා 1,000ක් පමණ නිර්මාණය කිරීමට බැංකුව අපේක්ෂා කරන බවයි.
මෙමගින් DBS බැංකුව කෘතිම බුද්ධිය එහි මෙහෙයුම් කටයුතුවලට බලපාන ආකාරය පිළිබඳ විස්තර ලබා දෙන ප්රධාන බැංකු අතරින් එකක් බවට පත් වනවා.
දැනට DBS බැංකුව තාවකාලික සහ කොන්ත්රාත් සේවකයින් 8,000 සිට 9,000ක් පමණ සේවයේ යොදවා තිබෙනවා.
බැංකුව මුළු වශයෙන් 41,000ක් පමණ පුද්ගලයින් සේවයේ යොදවන අතර සිංගප්පූරුවේ හෝ කුමන කාර්යභාරයන් සඳහා රැකියා අඩු කරනු ලබන්නේද යන්න සම්බන්ධයෙන් සමාගම විස්තර සඳහන් කර නැහැ.
පසුගිය වසරේදී ගුප්තා මහතා පවසා ඇත්තේ ඩීබීඑස් බැංකුව දශකයකට වැඩි කාලයක් කෘතිම බුද්ධිය මත වැඩ කරමින් සිටින බවයි.
ගුප්තා මහතා මාර්තු අවසානයේදී සමාගමෙන් ඉවත් වීමට නියමිත අතර දැනට සිටින නියෝජ්ය ප්රධාන විධායක නිලධාරිනී ටැන් සු ෂාන් ඔහුට පසුව පත් වනු ඇති.
කෘතිම බුද්ධි තාක්ෂණයේ දිගින් දිගටම ව්යාප්තිය එහි ප්රතිලාභ සහ අවදානම් විමසීමට ලක් කර ඇති අතර, ජාත්යන්තර මූල්ය අරමුදල (IMF) 2024 වසරේදී පවසා ඇත්තේ එය ලොව පුරා රැකියාවලින් 40%කට ආසන්න ප්රමාණයකට බලපෑම් ඇති කරනු ඇති බවයි.
ජාත්යන්තර මූල්ය අරමුදලේ කළමනාකරණ අධ්යක්ෂ ක්රිස්ටලිනා ජෝර්ජීවා පවසා ඇත්තේ “බොහෝ අවස්ථාවලදී, කෘතිම බුද්ධිය සමස්ත අසමානතාවය නරක අතට හරවනු ඇත” යන්නයි.
එංගලන්ත බැංකුවේ අධිපති ඇන්ඩෘ බේලි පසුගිය වසරේදී BBC ප්රවෘත්ති සේවයට පවසා ඇත්තේ කෘතිම බුද්ධිය “රැකියා විශාල වශයෙන් විනාශ කරන්නක්” නොවනු ඇති බවත්, මානව සේවකයින් නව තාක්ෂණයන් සමඟ වැඩ කිරීමට ඉගෙන ගනු ඇති බවයි.
කෙසේවෙතත් කෘතිම බුද්ධිය සමඟ අවදානම් ඇති නමුත්, “එහි විශාල විභවයක් ඇති” බව බේලි මහතා පවසා තිබෙනවා.
