චීනය විසින් බ්‍රිතාන්‍යය අභිබවා වඩාත් බලවත් මෘදු බලය සහිත රට ලෙස ලොව දෙවන ස්ථානය හිමි කර ගැනීමට සමත්ව තිබෙනවා.

බ්‍රෑන්ඩ් ෆිනෑන්ස් ආයතනය ඊයේ (20) හයවන වාර්ෂික ගෝලීය මෘදු බල දර්ශකය නිකුත් කරමින් මේ බව නිවේදනය කරනු ලැබූ අතර, එම දර්ශකයේ පළමු ස්ථානය හිමිව ඇත්තේ ඇමරිකාවටයි.

එම වාර්තාවට අනුව, චීනය සමස්ත ලකුණු 100 න් 72.8 ක වාර්තාගත ශ්‍රේණිගත කිරීමක් ද පෙන්නුම් කරනවා.

මෙම දර්ශකයේදී සලකා බැලෙන මූලික කරුණු 8න් 6කදී සහ මිනුම්ගත ලක්ෂණ තුනෙන් දෙකකදී සැලකිය යුතු වර්ධනයක් ද චීනය සටහන් කර ගැනීමත් විශේෂත්වයක්.

“එක් තීරයක් එක් මාවතක්” වැඩපිළිවෙළ තුළ තිරසාරත්වය ප්‍රමුඛ කොට සැලකීම සහ දේශීය වෙළඳ නාම ප්‍රවර්ධනය යන කරුණු මෙම සාර්ථකත්වයට හේතු වූ බවද සඳහන්.