දැවැන්ත ආකාශ වස්තුවක කැබැල්ලක් කෙන්යාවේ ගම්මානයකට කඩා වැදී තිබෙනවා.
විශාල රතු උණුසුම් වස්තුවක් කෙන්යාවේ ගම්මානයකට අහසින් වැටී තිබෙන බවයි විදෙස් මාධ්ය වාර්තා කළේ.
ඒ පිළිබඳ පරික්ෂණයක් සිදු කළ එරට ජාතික අභ්යවකාශ ඒජන්සිය ප්රකාශයක් නිකුත් කරමින් කියා සිටින්නේ මෙය අභ්යවකාශ වස්තුවක කැබැල්ලක් බවයි.
මීටර් දෙක හමාරක් පළල මෙම වස්තුව කිලෝග්රෑම් 500 ක බරකින් යුක්ත වනවා.
ආසන්න වශයෙන් මීටර් දෙක හමාරක විශ්කම්භයක් සහිත එය ලෝහමය වළල්ලක් ලෙසටයි දිස් වන්නේ.
රොකට්ටුවකින් වෙන් වූ වළල්ලක් විය හැකි බවට විශ්වාස කළ ද අභ්යවකාශ සුන්බුන් සාගරයට වැටීම හෝ පෘථිවි වායු ගෝලයට ඇතුළුවීමට පෙර දැවී යායුතු වනවා.
ඒ අනුව මෙම අභ්යවකාශ වස්තුව පිළිබඳ තවදුරටත් පරික්ෂණ පැවැත්වෙන බවයි කෙන්යා විද්යාඥයන් පවසන්නේ.
