ශ්‍රී ලංකාවේ වනජීවී නිලධාරීන් විසින් නිරීක්ෂණය කරන ලද පරිදි දැනටමත් 100 ක් පමණ මිය ගොස් ඇති අතර, අප්‍රිකානු සූකර උණ හේතුවෙන් ශ්‍රී ලංකාවේ මුළු වල්ඌරු ගහණයම විනාශ වීමේ අවදානමකට මුහුණ දී සිටින බව වාර්තා වනවා.
මෙම රෝගය දැනටමත් ඌරු මස් කර්මාන්තයට විශාල හානියක් සිදුකර තිබෙනවා.
වනජීවී සංරක්ෂණ දෙපාර්තමේන්තුවේ වනජීවී සෞඛ්‍ය අධ්‍යක්ෂ වෛද්‍ය තාරක ප්‍රසාද් මහතා ප්‍රකාශ කර ඇති ආකාරයට, මෙම රෝගය හේතුවෙන් වල්ඌරන්ගේ මරණ ප්‍රධාන වශයෙන් යාල ජාතික වනෝද්‍යානයේ 1 වැනි කොටසේ සහ ගම්පහ, මීරිගම, පේරාදෙණිය, මොණරාගල වැනි නාගරික වනජීවී ප්‍රදේශවල වාර්තා වී තිබෙනවා.
සූකර ඉන්ෆ්ලුවෙන්සා(Swine influenza) යනු ඌරන්ට වැළඳෙන, ඉන්ෆ්ලුවෙන්සා A වර්ගයේ වෛරස් මගින් ඇතිවන ස්වසන රෝගයක් වනවා.
සූකරයන් තුළ බහුලව සංසරණය වන ඉන්ෆ්ලුවෙන්සා වෛරස් “සූකර ඉන්ෆ්ලුවෙන්සා වෛරස්” ලෙස හැඳින්වෙනවා.
වෛද්‍ය ප්‍රසාද් පවසන්නේ, මෙම රෝගයේ මරණ අනුපාතය සියයට 100 ක් වන අතර එම නිසා මුළු වල් ඌරු ගහණයම රටින් තුරන්වීමේ අවදානම පවා පවතින බවයි.
ශ්‍රී ලංකාවේ වල් ඌරු මරණ සංඛ්‍යාව මේ වන විට නිශ්චිතව ගණන් කළ නොහැකි බව ඔහු පවසනවා.
ශ්‍රී ලංකා වල් ඌරා යනු ඉන්දියානු වල් ඌරාගේ උප විශේෂයක් වන අතර, ශරීරයෙන් තරමක් කුඩා සතෙක් වනවා.
ශ්‍රී ලංකාවේ වල්ඌරු ගහනය වනයේ ඉහළ වන අතර මෙම සත්වයා ආරක්ෂිත විශේෂයක් ද වන්නේ නැහැ.
