ශ්‍රී ලංකාවේ එක්සත් ජනපද තානාපති කාර්යාලය, ගෝලීය UGrad වැඩසටහන යටතේ ප්‍රදානය කරන ලද උපාධි අපේක්ෂකයින් සඳහා පූර්ණ අරමුදල් සහිත ශිෂ්‍යත්ව සඳහා අයදුම්පත් භාර ගන්නා බව නිවේදනය කර තිබෙනවා.
ඒ අනුව සමාජ මාධ්‍යවල පණිවිඩයක් නිකුත් කරමින් එක්සත් ජනපද තානාපති කාර්යාලය පැවසුවේ ශිෂ්‍යත්වය සිසුන්ට එක්සත් ජනපද විශ්ව විද්‍යාලයක අධ්‍යයන වාරයක් ගත කිරීමට අවස්ථාව ලබා දෙන බවයි.
නීති, ඉංජිනේරු හෝ ඒ අතර ඕනෑම දෙයක් හදාරන ශ්‍රී ලාංකික උපාධි අපේක්ෂකයින් සඳහා ශිෂ්‍යත්ව පිරිනැමෙන බව එක්සත් ජනපද තානාපති කාර්යාලය වැඩිදුරටත් පැවසුවා.
ගෝලීය UGrad වැඩසටහන යටතේ පූර්ණ අරමුදල් සහිත ශිෂ්‍යත්ව සඳහා අයදුම්පත් දෙසැම්බර් 15 වන විට ලැබීමට නියමිතයි.
මේ පිළිබඳව වැඩිදුර තොරතුරු පහත සබැඳිය ඔස්සේ ඔබට ලබාගත හැකියි…
