ආසියානු කුසලාන පාපන්දු තරගාවලියට සුදුසුකම් ලැබීමේ ශ්‍රී ලංකා- කාම්බෝජය අතර පැවැත්වෙන දෙවැනි තරගය කාම්බෝජයේදී අද මේ රට වේලාවෙන් රාත්‍රී 8.30ට ආරම්භ වනවා.
දෙරට අතර පසුගියදා කොළඹ තුරග තරග පිටියේදී පැවති පළමු තරගය ජය පරාජයෙන් තොරව අවසන් වුණා.
ඒ හේතුවෙන් අද තරගය දෙපිලටම තීරණාත්මක සාධකයක් වනු ඇති.
මෙම තරගයේදී නියමිත කාලයේදී තරගය ජය පැරදුමෙන් තොරව නිමාවට පත්වුවහොත් අතිරේක කාලයක් ලබාදීමට පියවර ගැනෙන අතර එහිදී ද විසදුමකින් තොරව අවසන් වුවහොත් දඬුවම් පහර මගින් ජයග්‍රාහකයා තීරණය කෙරෙනවා.
මේ වනවිට ජාත්‍යන්තර පාපන්දු වර්ගී කරණයේ කාම්බෝජය 180 වන ස්ථානයේ පසුවන අතර ශ්‍රී ලංකාව පසුවන්නේ 205 වන ස්ථානයේයි.
