ඉරාන විසින් ඊශ්‍රායල් හි ආර්ඩ් සහ ඩිමෝනා නගර වෙත එල්ල කළ මිසයිල ප්‍රහාරවලින් පුද්ගලයින් 100කට ආසන්න පිරිසක් තුවාල ලබා තිබේ.
විදෙස් මාධ්‍ය වාර්තා සඳහන් කරන්නේ, එරට වේලාවෙන් අලුයම 01.20ට පමණ එල්ල වූ ප්‍රහාරයකින් ආර්ඩ් නගරයේ පමණක් පුද්ගලයින් 88 දෙනෙකු තුවාල ලබා ඇති බවයි.
තුවාල ලැබූ පිරිස රෝහල්ගත කර ඇති අතර, එයින් දස දෙනෙකු බරපතළ තුවාල ලබා ඇති බවත්, තවත් පුද්ගලයින් 55 දෙනෙකු සුළු තුවාල ලබා ඇති බවත් වාර්තා වේ.
මෙම ප්‍රහාරය මැදපෙරදිග කලාපයේ පවතින උණුසුම් යුද තත්ත්වය තවදුරටත් උත්සන්න කර ඇති බව විදෙස් මාධ්‍ය සඳහන් කරයි.