කැනඩාවේ ඔන්ටාරියෝ ප්රාන්තයේ පිහිටි ඔපිනිකන් විලේ Northe map turtle කැස්බෑවන් 150කට ආසන්න සංඛ්යාවක් මියගොස් සිටීම පරිසරවේදීන් අතර දැඩි කම්පනයකට හේතු වී තිබේ.
පර්යේෂකයන් සඳහන් කරන ආකාරයට, කාලගුණික වෙනස්කම් සහ ස්වභාවික විලෝපිකයන්ගේ ක්රියාකාරිත්වය මෙම විනාශයට හේතු වී ඇති බවයි. කැස්බෑවන්ගේ කට්ට බිඳී සහ සිරුරු කොටස් වෙන්වී තිබීමෙන් පෙනේ, මෙම පරිණාමය River otters (ගංගා බිළාලයන්) වැනි විලෝපිකයන් විසින් එල්ල කළ ප්රහාරයක ප්රතිඵලයක් බවයි.
මෙම සංඛ්යාව එම විලෙහි සිටින කැස්බෑවන්ගේ ගහනයේ ආසන්න වශයෙන් 10%ක් බවද වාර්තා වී තිබේ. ශීත සෘතුවේදී කැස්බෑවන් අයිස් තට්ටු යට රැඳී සිටින අතර, දේශගුණික විපර්යාස හේතුවෙන් අයිස් තුනී වීම සහ උෂ්ණත්වය වෙනස් වීම නිසා ගංගා බිළාලයන්ට පහසුවෙන් පිවිසීමට හැකිවී ඇති බව පර්යේෂකයන් සඳහන් කරති.
එමෙන්ම, බෝට්ටු හානි, කැදලි තැනීමට ඇති ඉඩකඩ අහිමිවීම සහ විල් ආශ්රිත ඉදිකිරීම් නිසා මෙම විශේෂය තවදුරටත් අවදානමට ලක්ව ඇත. Northe map turtle කැස්බෑවන් පරිණත වීමට වසර ගණනාවක් ගත වන අතර, පැටවුන්ගේ පැවැත්මේ අනුපාතය ඉතා පහත බැවින් වැඩිහිටි කැස්බෑවන් මිලියන්වීමත් සමස්ත ගහනයට බලපාන බව පරිසරවේදීන් පෙන්වා දෙති.
කැනඩාවේ මෙම කැස්බෑවන් “Special concern” (විශේෂ අවධානයක් යොමු කළ යුතු) විශේෂයක් ලෙස නම් කර ඇති අතර, ඔවුන්ගේ වාසස්ථාන ආරක්ෂා කර ගැනීම අනාගත පැවැත්ම සඳහා අතිශය වැදගත් බව විශේෂඥයන් අවධාරණය කරති.
