දිගු කාලීන උපදේශන ක්‍රියාවලියෙන් පසු සකස් කරන ලද “ශ්‍රී ලංකාවේ ජාතික මාධ්‍ය ප්‍රතිපත්තියේ” සංවර්ධිත කෙටුම්පත (Advanced Draft) අද (14) ජනමාධ්‍ය අමාත්‍යාංශ ශ්‍රවණාගාරයේදී සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස සහ ජනමාධ්‍ය නියෝජ්‍ය අමාත්‍ය ආචාර්ය කෞෂල්‍යා ආරියරත්න මහත්ම මහත්මීන්ට පිළිගැන්විය.
මෙම ප්‍රතිපත්ති මාලාව, 2023 මැයි සිට 2025 දෙසැම්බර් දක්වා වසර දෙකකට අධික කාලයක් පුරා බහුපාර්ශ්වීය කමිටුවකින් සකස් කරන ලද්දකි. එහිදී විවිධ පාර්ශ්වකරුවන්ගේ දායකත්වය සහ මාධ්‍ය ක්ෂේත්‍රයේ අවශ්‍යතාවයන් සලකා බලන ලදී.
අමාත්‍යවරයා පැවසුවේ, මෙම ප්‍රතිපත්තිය අමාත්‍යාංශය විසින් පමණක් නියම කර නොමැති අතර, මාධ්‍ය නිදහස, වෘත්තීයභාවය සහ පුරවැසි බලපෑම පිළිබඳ විශේෂ අවධානයක් යොමු කරන ලදී යන්නයි.
Zero Draft එක 2023 වර්ෂයේදී සාමාජිකයින් 23 දෙනෙකුගෙන් සැදුම්ලත් මූලික කමිටුවක් හරහා සකස් කර 2024 ජූලි මාසයේදී ඉදිරිපත් කෙරිණි.
මෙම අවස්ථාවට රජයේ ප්‍රවෘත්ති අධ්‍යක්ෂ ජනරාල් හර්ෂ බණ්ඩාර, ජනමාධ්‍ය අමාත්‍යාංශයේ අධ්‍යක්ෂ (සංවර්ධන – ජනමාධ්‍ය) නෙළුම් දිල්ෂාරි සහ විද්වත් කමිටුවේ සාමාජිකයන් සහභාගී විය.