11989 වසර සිට ඉරානයේ උත්තරීතර නායකයා ලෙස කටයුතු කරන්නේ Ali Khamenei ය. 1979 ඉස්ලාමීය විප්ලවයෙන් පසුව රට පාලනය කළ දෙවන නායකයා ලෙසද ඔහු ඉතිහාසයට එක්වී ඇත. අද සිටින බොහෝ තරුණ ඉරාන ජනතාවට කමේනි බලයට පැමිණීමට පෙර ඉරානය කෙසේ තිබුණාද යන්න අත්දැකීමක් ලෙස දැනගැනීමට අවස්ථාවක් ලැබී නැත.

උත්තරීතර නායකයාගේ බලය
ඉරානයේ උත්තරීතර නායකයා රටේ බලවත්ම තනතුරයි. රාජ්‍ය ප්‍රතිපත්තිවලට බලපෑම් කිරීමට, ඕනෑම තීරණයක් අවහිර කිරීමට, සහ රජයේ ඉහළ තනතුරු සඳහා අපේක්ෂකයින් තෝරා ගැනීමට ඔහුට බලය තිබේ.
එමෙන්ම රටේ රාජ්‍ය නායකයා මෙන්ම සන්නද්ධ හමුදාවන්ගේ සහ Islamic Revolutionary Guard Corps ඇතුළු ආරක්ෂක බලකාවල ප්‍රධාන සේනාධිපතිවරයා ද ඔහුයි. මේ හේතුවෙන් ඔහු ඉරානයේ දේශපාලන පද්ධතිය තුළ අතිශයින් බලවත් පුද්ගලයෙකු ලෙස සැලකෙයි.

කමේනිගේ මුල් ජීවිතය

Ali Khamenei 1939 දී ඉරානයේ දෙවන විශාලතම නගරය වන මෂාඩ්හි හි උපත ලැබීය.ඔහු ආගමික පවුලක දරුවන් අට දෙනා අතර දෙවන දරුවා විය. ඔහුගේ පියා ෂියා ඉස්ලාම් ආගමට අයත් මධ්‍යම මට්ටමේ පූජකයෙකි. කමේනි කුඩා වයසේ සිටම කුරානය සහ ආගමික අධ්‍යාපනය හැදෑරූ අතර වයස අවුරුදු 11 දී පූජකයෙකු වීමට සුදුසුකම් ලැබීය.
එහෙත් ඔහුගේ කාර්යය ආගමික කටයුතු වලට පමණක් සීමා නොවීය. ඒ කාලයේ බොහෝ ආගමික නායකයන් මෙන්ම ඔහු ද දේශපාලන ක්‍රියාකාරකම්වලටද සක්‍රීයව සම්බන්ධ විය.

විප්ලවය සහ දේශපාලන උද්යෝගය
ශක්තිමත් කථිකයෙකු වූ කමේනි, පසුව ඉස්ලාමීය විප්ලවයෙන් බලයෙන් පහ කරන ලද Mohammad Reza Pahlavi රජුට විරුද්ධ වූ කණ්ඩායම් සමඟ එක්විය.එම කාලය තුළ ඔහු බොහෝ පීඩාවන්ට මුහුණ දුන්නා. වධහිංසා, අභ්‍යන්තර පිටුවහල් කිරීම සහ සිරගත වීම ඇතුළු අත්දැකීම් ඔහුට සිදුවිය. ෂා රජුගේ රහස් පොලිසිය විසින් ඔහු අවම වශයෙන් හය වතාවක් අත්අඩංගුවට ගෙන තිබේ.
1979 ඉස්ලාමීය විප්ලවයෙන් පසු Ruhollah Khomeini ඔහුව ටෙහෙරානයේ සිකුරාදා යාඥා නායකයා ලෙස පත් කළේය.
පසුව 1981 දී කමේනි ඉරානයේ ජනාධිපතිවරයා ලෙස තේරී පත් විය. 1989 දී කොමේනිගේ මරණයෙන් පසු ආගමික නායකයින් විසින් ඔහුව ඉරානයේ උත්තරීතර නායකයා ලෙස තෝරා ගන්නා ලදී.

පෞද්ගලික ජීවිතය
Ali Khamenei විදේශ සංචාර කලාතුරකින් කරන පුද්ගලයෙකි. ඔහු ටෙහෙරානයේ මධ්‍යම ප්‍රදේශයේ තම බිරිඳ සමඟ සරල ජීවිතයක් ගත කරඇති බව සඳහන් වේ.
ඔහුට ගෙවතු වගාව සහ කවි කියවීම වැනි කලාත්මක ආශාවන් තිබීඇති බවද සඳහන් වේ. තරුණ වියේදී ඔහු දුම් පානය කිරීමටද පුරුදුව සිටියේය. 1980 දශකයේ සිදු වූ ඝාතන උත්සාහයකින් ඔහුගේ දකුණු අතට දැඩි හානි සිදුවී ඇත.
ඔහුගේ බිරිඳ Mansoureh Khojasteh Bagherzadeh සමඟ ඔහුට දරුවන් හය දෙනෙකු ඇත. ඒ අතර පුතුන් හතර දෙනෙක් සහ දියණියන් දෙදෙනෙකු අයත් වේ.

මොජ්තාබා කමේනිගේ බලපෑම
කමේනිගේ පුතුන් අතරින් වැඩිම අවධානයට ලක්වන්නේ Mojtaba Khamenei ය. ඔහු තම පියාට ඉතා සමීපව කටයුතු කරන අතර දේශපාලන වශයෙන් බලපෑම් ඇති පුද්ගලයෙකු ලෙස සැලකෙයි.
ඔහු ටෙහෙරානයේ අලවි උසස් පාසලේ අධ්‍යාපනය ලබා ගත් අතර පසුව ඉරානයේ ප්‍රමුඛ ෂියා ආගමික අධ්‍යාපන මධ්‍යස්ථානයක් වන Qom Seminary හි අධ්‍යාපනය හැදෑරීය.
2000 දශකයේ මැද භාගයෙන් පසු ඔහු දේශපාලනික වශයෙන් බලවත් පුද්ගලයෙකු ලෙස පෙනී සිටියද, මාධ්‍ය තුළ ඒ පිළිබඳ විශාල වශයෙන් කතා නොකෙරුණි.
2004 ජනාධිපතිවරණයෙන් පසු Mehdi Karroubi විසින් ඔහුට එරෙහිව චෝදනා කළ අතර, එම චෝදනාවලට අනුව Mahmoud Ahmadinejad ජයග්‍රහණය කිරීමට ඔහු රහසිගතව සහාය ලබා දුන් බව කියා සිටියි.

පවුලේ අනෙක් සාමාජිකයන්
කමේනිගේ වැඩිමහල් පුත්‍රයා වන මුස්තාෆා කමේනි ද ඉරාන-ඉරාක යුද්ධයේදී ඉදිරි පෙළේ සේවය කළ බව සඳහන් වේ.
තෙවැනි පුත්‍රයා මසූඩ් කමේනිදේශපාලනයෙන් දුරස්ව සිටින අතර ඔහු පිළිබඳ තොරතුරු ප්‍රසිද්ධියට පත්ව ඇත්තේ ඉතා අල්ප වශයෙනි.
බාල පුත්‍රයා වන මේයිසම් කමේනි ද පූජකයෙකු වන අතර ඔහු ද තම පියාගේ කෘති සංරක්ෂණය හා ප්‍රකාශනය සම්බන්ධ කටයුතු වලට දායක වී ඇත.

දියණියන්
කමේනිගේ දියණියන් දෙදෙනා වන බුෂ්රා සහ හෝඩා ගැනද මහජනතාවට දැනගත හැකි තොරතුරු ඉතා සීමිතය. ඔවුන් දෙදෙනාම 1979 ඉස්ලාමීය විප්ලවයෙන් පසුව උපත ලැබූ අතර පවුල සාමාන්‍යයෙන් ප්‍රසිද්ධියේ දක්නට ලැබෙන්නේ කලාතුරකිනි.