ලිංගික අපරාධකරුවෙකු ලෙස ප්රකටව සිටි දිවංගත මූල්ය සහායක ජෙෆ්රි එප්ස්ටයින් (Jeffrey Epstein) සමඟ පැවැත් වූ සමීප සබඳතා හේතුවෙන්, නෝර්වේ රාජ්යයේ හිටපු අගමැති තෝර්බ්ජෝන් ජැග්ලන්ඩ් (Thorbjorn Jagland) පිළිබඳව එරට බලධාරීන් විශේෂ දූෂණ පරීක්ෂණයක් ආරම්භ කර තිබේ.
අමෙරිකානු අධිකරණ දෙපාර්තමේන්තුව පසුගියදා ප්රසිද්ධ කළ ලිපිලේඛනවලින් අනාවරණය වූයේ හිටපු අගමැතිවරයා සහ එප්ස්ටයින් අතර වසර ගණනාවක් පුරා සෘජු සන්නිවේදනයන් සිදුව ඇති බවයි.
ඇතැම් විද්යුත් තැපැල් පණිවුඩවලට අනුව හිටපු අගමැතිවරයා එප්ස්ටයින්ගේ නිවසේ ලැගුම් ගෙන ඇති බවට ද තොරතුරු හෙළි වී ඇත.
නෝර්වේහි ආර්ථික අපරාධ මර්දන ඒකකය වන Okokrim, ජැග්ලන්ඩ්ට එරෙහිව පරීක්ෂණ පැවැත්වීමට ප්රමාණවත් කරුණු පවතින බව නිවේදනය කළේය.
ජැග්ලන්ඩ් හිටපු අගමැතිවරයෙකුට අමතරව නොබෙල් කමිටුවේ හිටපු ප්රධානියා සහ යුරෝපා කවුන්සිලයේ මහලේකම්වරයා ලෙස ද කටයුතු කර ඇත.
ඔහු සතු ජාත්යන්තර මුක්තිය (Immunity) පරීක්ෂණවලට බාධාවක් නොවන පරිදි එය ඉවත් කිරීමට පියවර ගන්නා ලෙස නෝර්වේ විදේශ අමාත්යවරයා යුරෝපා කවුන්සිලයෙන් ඉල්ලා තිබේ.
ලෝක ආර්ථික සමුළුවේ (WEF) වත්මන් සභාපති සහ නෝර්වේහි හිටපු විදේශ අමාත්යවරයා වන බෝර්ජ් බ්රෙන්ඩ් ද එප්ස්ටයින් සමඟ රාත්රී භෝජන සංග්රහවලට සහභාගී වී ඇති බව හෙළි වී තිබේ. මේ හේතුවෙන් ලෝක ආර්ථික සමුළුව ඔහු පිළිබඳව ද අභ්යන්තර පරීක්ෂණයක් ආරම්භ කර ඇත.
ජෙෆ්රි එප්ස්ටයින් 2019 වසරේදී ලිංගික ජාවාරම් චෝදනා මත සිරගතව සිටියදී මියගිය අතර, ඔහු සමඟ ලෝකයේ ප්රබල දේශපාලනඥයින් සහ ව්යාපාරිකයින් රැසක් පැවැත් වූ රහසිගත සබඳතා මේ වන විට එකින් එක හෙළි වෙමින් පවතී.
