ඉතාලියේ පාසල් තුල ආරක්ෂාව තර කිරීමේ පියවරවල කොටසක් ලෙස ඉතාලි රජය විසින් පාසල්වල ලෝහ අනාවරක (Metal Detector) භාවිතා කිරීමට අවසර දී තිබේ.
ඒ ලා ස්පෙසියා හි පාසලක සිදු වූ මාරාන්තික පිහි ඇනුමකින් පසුවයි.
ඒ අනුව ඉතාලියේ අධ්යාපන අමාත්ය ගුසෙප් වැල්ඩිටාරා සහ අභ්යන්තර කටයුතු අමාත්ය මැටියෝ පියාන්ටෙඩෝසි විසින් පාසල් තුළ ආරක්ෂාව තර කිරීම සඳහා ඒකාබද්ධ නියෝගයක් නිකුත් කළහා.
පාසල් ගොඩනැගිලිවලට ඇතුළු වන දොරටුවල ලෝහ අනාවරක හඳුන්වා දීමේ හැකියාව ද එම ඒකාබද්ධ ප්රකාශය තුළ ඇතුළත්.
කෙසේවෙතත් සෑම පාසලකටම ලෝහ අනාවරක අනිවාර්ය නොවනු ඇති නමුත් හිරිහැර කිරීම, මත්ද්රව්ය ජාවාරම් හෝ වාර්තා වූ ආයුධ ළඟ තබා ගැනීම වැනි නිශ්චිත අවදානම් හඳුනා ගන්නා පාසල් විදුහල්පතිවරුන්ගේ ඉල්ලීම පරිදි යෙදවිය හැකියි.
අතේ ගෙන යා හැකි ලෝහ අනාවරක භාවිතා කිරීම මෙම නියෝගයෙන් අවධාරණය කරන අතර එමඟින් වඩාත් නම්යශීලී සහ අඩු ආක්රමණශීලී පරීක්ෂාවන් සඳහා ඉඩ ලබා දේ.
එමෙන්ම පූර්ව දැනුම්දීමකින් තොරව පරීක්ෂාවන් සිදු කළ හැකි බව පියාන්ටෙඩෝසි ද තහවුරු කළේ.
මෙම මස මුලදී මාරාන්තික පිහි ඇනුම සිදු වූ ලා ස්පෙසියා හි ඇති අයිනෝඩි-චියෝඩෝ ආයතනය, ලෝහ අනාවරක පරීක්ෂාවන් සඳහා අවසරය ඉල්ලා සිටි සහ ලබා ගත් පළමු පාසල්වලින් එකක් බවට පත්ව ඇත.
