ඉන්දියාව විසින් රුසියානු තෙල් වෙනුවට මාර්තු මාසයේදී අපනයන සඳහා බ්රසීලයේ පෙට්රොබ්රාස් සහ අනෙකුත් සැපයුම්කරුවන්ගෙන් බැරල් මිලියන 7ක් මිලදී ගෙන තිබෙන බව විදෙස් මාධ්ය වාර්තා පවසයි.
මෙය ඉන්දියාවට අඩු තීරුබදු සඳහා එක්සත් ජනපදය සමඟ ගිවිසුමක් අවසන් කිරීමට උපකාරී විය හැකි බවයි එම මාධ්ය වාර්තා පවසන්නේ.
මූලාශ්රවලට අනුව IOC බ්රසීලයේ බුසියෝස් බොරතෙල් බැරල් මිලියන 2ක් ද මිලදී ගෙන තිබේ.
කෙසේවෙතත් ඉන්දියාව මෙලෙස රටවලින් ඉන්ධන ලබා ගන්නා මිල ගණන් සම්බන්ධයෙන් මෙතෙක් වාර්තා වී නොමැත.
එමෙන්ම රහස්යතා ගිවිසුම් හේතුවෙන්, තෙල් ගැනුම්කරුවන් සහ විකුණුම්කරුවන් සාමාන්යයෙන් එවැනි ගනුදෙනු පිළිබඳව අදහස් දක්වන්නේ නැත.
වෙළඳ දත්තවලින් පෙනී ගියේ ඉන්දියාවේ රුසියානු තෙල් ආනයනය දෙසැම්බර් මාසයේදී වසර දෙකක් සඳහා අවම මට්ටමට පහත වැටුණු බවයි.
මේ අතර, OPEC රටවලින් ආනයනය මාස 11 කින් ඉහළ ගියේය.
2022 දී යුක්රේන යුද්ධය ආරම්භ වීමෙන් පසු ඉන්දියාව වට්ටම් සහිත රුසියානු බොරතෙල්වල විශාලතම ගැනුම්කරු බවට පත්විය.
