ජාත්යන්තර ක්රිකට් කවුන්සිලයේ ඉන්දීය ජාතික නිලධාරියෙකුට බංග්ලාදේශයට පැමිණීමට බංග්ලාදේශ වීසා ලබානොදීම මත, පන්දුවාර 20-20 ලෝක කුසලාන ගැටලුව තවත් උග්ර වී තිබේ.
ලෝක කුසලානය වෙනුවෙන් ඉන්දියාවට පැමිණීම ප්රතික්ෂේප කිරීමේ ගැටලුව පිළිබඳව සාකච්ඡා කිරීම සඳහා බංග්ලාදේශයට යෑමට සිටි දෙදෙනෙකුගෙන් සමන්විත ICC නියෝජිත කණ්ඩායමේ ඉන්දීය ජාතික නිලධාරිගේ වීසා මෙලෙස ලබාදීම බංග්ලාදේශය ප්රතික්ෂේප කර ඇති බවයි වාර්තා වුණේ.
ඒ, අනුව බංග්ලාදේශ ගැටලුව පිළිබඳව සාකච්ඡා කිරීමට අයි.සී.සී දූෂණ විරෝධී සහ ආරක්ෂක ප්රධානී ඇන්ඩෲ එෆ්ග්රේව්ට පමණක් අද (17) දිනයේ බංග්ලාදේශයට යාමට සිදුවිය.
එළඹෙන පෙබරවාරි 07 වන දින ආරම්භ වීමට නියමිත ලෝක කුසලාන තරඟාවලියට එල්ල වී ඇති රාජ්ය තාන්ත්රික අර්බුදය විසඳීම ICC නියෝජිතයාගේ අවසාන අරමුණයි.
ජාත්යන්තර ක්රීඩා ආරක්ෂාව පිළිබඳ පුළුල් අත්දැකීම් ඇති හිටපු බ්රිතාන්ය පොලිස් නිලධාරියෙකු වන ඇන්ඩෲ එෆ්ග්රේව්, තම ක්රීඩකයින්ට විස්සයි විස්ස ලෝක කුසලාන තරඟ සඳහා ඉන්දියාවේ අවශ්ය ආරක්ෂක ආවරණය ලැබෙන බවට බංග්ලාදේශ බලධාරීන්ට සහතික කිරීම සඳහා නිර්මාණය කර ඇති පුළුල් ආරක්ෂක සැලැස්ම ඉදිරිපත් කිරීමට මෙහිදී අපේක්ෂා කරන බවයි ක්රීඩා මාධ්ය වාර්තා කරන්නේ.
වත්මන් දේශපාලන වාතාවරණය සහ ඔවුන්ගේ ක්රීඩකයින් සහ කාර්ය මණ්ඩලය සඳහා වන ආරක්ෂක ගැටළු උපුටා දක්වමින් බංග්ලාදේශ ක්රිකට් ආයතනය, ඔවුන්ගේ නියමිත කණ්ඩායම් අදියර තරඟ ඉන්දියාවෙන්, ශ්රී ලංකාවට මාරු කරන ලෙස නිල වශයෙන් ඉල්ලා තිබේ.
