“දිට්වා” සුළි කුණාටුව හේතුවෙන් බලපෑමට ලක් වූ බදුල්ල – හපුතලේ දුම්රිය සේවාව දින 18 කට පසු නැවත ධාවනය කිරීමට සූදානම් බව සංචාරක නියෝජ්ය අමාත්ය රුවන් රණසිංහ නිවේදනය කර තිබේ.
සමාජ මාධ්ය ඔස්සේ පළ කළ සටහනක, නියෝජ්ය අමාත්ය රුවන් රණසිංහ මහතා පැවසුවේ, ආපදාවෙන් පසු දුම්රිය මෙහෙයුම් යථා තත්ත්වයට පත් කිරීමේ සාර්ථක උත්සාහය සනිටුහන් කරමින් ඊයේ (15) බදුල්ල දුම්රිය ස්ථානයේ සිට හපුතලේ දුම්රිය ස්ථානය දක්වා පරීක්ෂණ දුම්රියක් සාර්ථකව ගමන් කළ බවයි.
මෙම දැඩි ලෙස හානි වූ දුම්රිය මාර්ගය මෙතරම් කෙටි කාලයක් තුළ ප්රතිසංස්කරණය කිරීම ශ්රී ලංකාවේ සංචාරක ක්ෂේත්රයේ කොඳු නාරටිය ශක්තිමත් කිරීමේ වැදගත් පියවරක් බව ඔහු තවදුරටත් පැවසීය.
“ශ්රී ලංකා දුම්රිය දෙපාර්තමේන්තුවේ, ජාතික ගොඩනැගිලි පර්යේෂණ සංවිධානයේ සහ මෙම අභියෝගාත්මක කාර්යය ඉටු කිරීම සඳහා වෙහෙස නොබලා කටයුතු කළ සියලුම ස්වේච්ඡා සංවිධානවල කැපවූ සේවකයින්ට අපගේ කෘතඥතාව සහ ප්රශංසාව පළ කරමු,” ඔහු තවදුරටත් පැවසීය.
