“දිට්වා” [Ditwah] සුළිකුණාටුව උතුරට බරව වයඹ දෙසට ගමන් කර අද (30) දිනයේ ඉන්දියාවේ තමිල්නාඩු වෙරළ තීරයට ලඟා වීමට නියමිතයි.
කාලගුණ විද්යා දෙපාර්තමේන්තුව මගින් මේ සම්බන්ධව නිකුත් කරන ඉදිරි නිවේදන පිළිබඳ අවධානය යොමුකරන ලෙස ඔවුන් ජනතාවගෙන් ඉල්ලා සිටියි.
පවතින වැසි සහිත කාලගුණ තත්ත්වයේ සැලකිය යුතු අඩුවීමක් අද ( 30) සිට අපේක්ෂා කරන බවයි කාලගුණ විද්යා දෙපාර්තමේන්තුව පවසන්නේ.
උතුරු, උතුරු-මැද, සහ වයඹ පළාත්වල සහ ත්රිකුණාමලය දිස්ත්රික්කයේ විටින් විට වැසි හෝ ගිගුරුම් සහිත වැසි ඇති විය හැකියි.
ඇතැම් ස්ථානවලට මි.මී. 50 පමණ තරමක තද වැසි ඇති විය හැක.
මධ්යම, සබරගමුව සහ බස්නාහිර පළාත් සහ ගාල්ල සහ මාතර දිස්ත්රික්කවල වැසි වාර කිහිපයක් ඇතිවේ.
දිවයිනේ බොහෝ ප්රදේශවල හමන පැ.කි.මී. (50-60) දක්වා වන ඉතා තද සුළං සමඟ විටින් විට හමන පැ.කි.මී. (70) දක්වා වන ප්රහාරාත්මක සුළං ඇතිවිය හැක.
තද සුළං මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
