ශ්‍රී ලංකාවේ ළමා ජනගහන අනුපාතයේ තියුණු හා අඛණ්ඩ අඩුවීමක් දක්නට ඇති බව ජන ලේඛන හා සංඛ්‍යාලේඛන දෙපාර්තමේන්තුව මඟින් නිකුත් කර ඇති නවතම වාර්තාවක සඳහන් වේ.

1946 වර්ෂයේ දී ශ්‍රී ලංකාවේ ළමා ජනගහන අනුපාතය පැවත ඇත්තේ (0-14 වයස් කාණ්ඩය) සියයට 40-42ක් අතර අනුපාතයක වේ ඉන්පසුව 2024 වර්ෂයේ දී ළමා ජනගහන අනුපාතය සියයට 20 දක්වා අඩු වී ඇති බව වාර්තා වල සදහන්.

එමෙන්ම මෙලෙස දරු උපත් සංඛ්‍යාව අඩුවීමට බලපා ඇති හේතූන් ලෙස විවාහ ප්‍රමාදවීම, උසස් අධ්‍යාපනයට සහභාගි වීම වැඩිවීම ආදිය සදහන් වී තිබේ.

තවද මෙම වාර්තාවේ සඳහන් වෙන්නේ ළමා ජනගහනය අඩුවීම අනාගතයේ දී ශ්‍රම සැපයුම පටුවීම සඳහා ප්‍රධානම හේතුවක් විය හැකි බවයි.

තවද මෙම ගැටලුව ශ්‍රම බලකායේ ඵලදායීතාවය ඉහළ නැංවීම මගින් විසඳා ගැනීමට කටයුතු කළ යුතුව ඇත.

නමුත් එසේ නොකළහොත් සමස්ත ආර්ථිකයේ ප්‍රසාරණය සීමාවනු ඇති බව ද මෙම වාර්තාවල තව දුරටත් සදහන් වේ.