ඇල්සයිමර් රෝගයේ ලක්ෂණ මතුවීමට පෙරම මොළයට සිදුවන හානිය නතර කිරීමට හැකි ක්රමයක් විද්යාඥයින් විසින් සොයාගෙන තිබේ.
මෙම පර්යේෂණයේදී, රෝගයේ මුල් අවස්ථාවේදී ඇතිවන ක්ෂුද්ර ප්රෝටීන් ගැට දියකර හැරීම මගින් රෝගයේ ඇතිවන හානි වැළැක්විය හැකි බව පෙන්වා දී ඇති බවයි විදෙස් වාර්තාවල දැක්වෙන්නේ.
ඇල්සයිමර් රෝගය යනු මොළයේ සෛල පරිහානියට හේතු වන රෝගයක් වන අතර එය මොළයේ නුසුදුසු ක්රියාකාරිත්වයට හේතු වන්නක්.
එය මතකය සහ අනෙකුත් අත්යවශ්ය මානසික හැකියාවන් විනාශ කරන මොළයේ තත්වයක්.
ඇල්සයිමර් රෝගය දීර්ඝ කාලයක් තිස්සේ මොළයේ තැන්පත් වී සංජානන ක්රියාකාරිත්වයට බාධා කරන හානිකර ටවු (tau) ප්රෝටීන් තන්තු (fibrils) සමඟ සම්බන්ධ වී තිබේ.
නමුත් ටෝකියෝ විශ්ව විද්යාලයේ පර්යේෂකයන් දැන් සොයාගෙන ඇත්තේ එම ටවු තන්තු සෑදීමට පෙර දිස්වන මෘදු, කුඩා පොකුරු වර්ගයක් බවයි.
මහාචාර්ය රෙයි කුරිටා විසින් මෙහෙයවන ලද විද්යාඥයින් එක්ව, නැනෝමීටර දස ගණනක් පමණක් වූ මෙම ක්ෂුද්ර පූර්වගාමීන් සොයා ගැනීමට නිශ්චිත X-ray සහ ප්රතිදීප්ත ක්රම භාවිතා කළේය.
මෙම කුඩා පූර්වගාමීන් මෘදු වූ නිසා, පර්යේෂකයන්ට ඒවා විසුරුවා හැරීමට හැකි වී තිබුණේය.
එහි ප්රතිඵලයක් ලෙස, ටවු තන්තු කිසිවක් සෑදී නැති අතර පර්යේෂකයන්ට අනුව, මෙම මුල් පොකුරු විසුරුවා හැරීම මගින් විෂ සහිත තන්තු සෑදීම වළක්වයි.
එමඟින් රෝගය ඵලදායී ලෙස අවහිර කළ හැකියි.
ප්රවෘත්ති නිවේදනයට අනුව, නව ප්රතිකාර මගින් අවසාන තන්තු සැකැස්ම බිඳ දැමීම කෙරෙහි අවධානය යොමු කරනවා වෙනුවට, හානිකර ව්යුහයන් මුලින්ම ඇතිවීම වැළැක්වීම සඳහා මුල් අවස්ථාව වෙත, ආපසු හැරවිය හැකි පූර්වගාමී අවධිය ඉලක්ක කළ හැකියි.
මෙම උපාය මාර්ගය පාකින්සන් වැනි ස්නායු ආබාධ පර්යේෂණ සඳහා ද යොදා ගැනෙයි.
ඇල්සයිමර් රෝගය වර්ධනය වීම සඳහා අත්යවශ්ය ව්යුහාත්මක සංරචක තුන වන්නේ බීටා ඇමිලොයිඩ් ප්රෝටීන, ටවු ප්රෝටීන සහ ස්නායු දැවිල්ල යන්නයි.
ඔහු වැඩිදුරටත් පැවසුවේ, බීටා ඇමිලොයිඩ් ගොඩනැගීම ඉලක්ක කරන ප්රතිකාර දැනටමත් වෙළඳපොලේ ඇති බවත් මෙම නව සොයාගැනීම මගින් භයානක ස්නායු තන්තුමය ගැටළු ඇතිවීමට පෙර ටවු ප්රෝටීන් ගොඩනැගීම විසුරුවා හැරීමට සහ කඩාකප්පල් කිරීමට ඉලක්කගත ප්රතිකාරයක් සපයන බවයි.
සීගල් පුරෝකථනය කරන්නේ අනාගතයේදී දැවිල්ල-විරෝධී, ඇමිලොයිඩ්-විරෝධී සහ ටවු-විරෝධී ලෙස ත්රිත්ව චිකිත්සාවක් (triple therapy) පැමිණීමට ඉඩ ඇති බවයි.
ඔහු විශ්වාස කරන්නේ මෙම සොයාගැනීම සායනික වටිනාකමක් ඇති කිරීමට බැඳී ඇති අතර දැනට වෙළඳපොලේ ඇති අනෙකුත් ඖෂධවලට වඩා හොඳින් ඉවසා දරාගත හැකි වනු ඇති බවයි.
ඇල්සයිමර් සංගමයේ විද්යාත්මක සම්බන්ධීකරණ අධ්යක්ෂ, ආචාර්ය කෝට්නි ක්ලොස්කේ මෙම අධ්යයනයට ප්රතිචාර දක්වමින් ප්රකාශ කළේ, මෙය ඇල්සයිමර් රෝගයේ ලක්ෂණයක් වන මොළයේ ප්රෝටීනයක් වන ටවු වල ව්යුහය වෙනස් කිරීම කෙරෙහි අවධානය යොමු කරන මූලික පර්යේෂණයක් බවයි.
කෙසේවෙතත් මෙවැනි ආපසු හැරවිය හැකි පොකුරු මිනිස් මොළයේ පටකවල තිබේද යන්න තවමත් නොදනී.
මෙම ප්රෝටීන් පොකුරු බිඳ දැමීම ආරක්ෂිතද සහ එය ඇත්ත වශයෙන්ම රෝගයට ප්රතිකාර කිරීමට උපකාරී වේද යන්න සොයා බැලීමට තවදුරටත් පර්යේෂණ අවශ්ය බව ද අදාළ වාර්තාවල දැක්වෙයි.
