අමෙරිකානු කොංග්රසයේ මන්ත්රී මණ්ඩල දෙකම, ලිංගික අපරාධකරුවෙකු වූ මූල්යවේදී ජෙෆ්රි එප්ස්ටයින් සම්බන්ධ ලිපිගොනු නිකුත් කරන ලෙස අමෙරිකානු අධිකරණ දෙපාර්තමේන්තුවට නියෝග කිරීමට එකඟ වී තිබේ.
නියෝජිත මන්ත්රී මණ්ඩලය 427-1ක ඡන්දයකින් මෙම පියවර අනුමත කර ඇති අතර, සෙනෙට් සභාව කිසිදු විධිමත් ඡන්දයකින් තොරවයි එය ඒකමතිකව අනුමත ඇත්තේ.
මෙම පියවර ගෙන ඇත්තේ, ජනාධිපති ඩොනල්ඩ් ට්රම්ප් තම ස්ථාවරය වෙනස් කරමින්, තම ආධාරකරුවන් බොහෝ දෙනෙකුගේ මහජන විරෝධයෙන් පසුව, වාර්තා හෙළිදරව් කිරීම සඳහා ඡන්දය දෙන ලෙස කොංග්රසයෙන් ඉල්ලා සිටීමෙන් දින කිහිපයකට පසුවයි.
පසුගිය සතියේ, ජනාධිපතිවරයා ගැන සඳහන් වන පිටු 20,000කට අධික ලේඛන නිකුත් කිරීමෙන් පසු ට්රම්ප් සහ එප්ස්ටයින් අතර සම්බන්ධතා නැවතත් පුවත් සිරස්තලවලට පැමිණියේය.
එමෙන්ම ධවල මන්දිරය කිසිදු වරදක් ප්රතික්ෂේප කර නොමැති බවයි විදෙස් මාධ්ය සඳහන් කරන්නේ.
ලුසියානාවේ රිපබ්ලිකන් මන්ත්රී ක්ලේ හිගින්ස් (Clay Higgins) මෙම තොරතුරු නිකුත් කිරීමෙන් “අහිංසක මිනිසුන්ට හානි සිදුවනු ඇතැයි” යන ඔහුගේ කනස්සල්ල උපුටා දක්වමින් නියෝජිත මන්ත්රී මණ්ඩලයේ එකම විරෝධතාකරු විය.
ලිපිගොනු නිකුත් කිරීමට අවශ්ය වූ කැපිටල් හිල්හි සිටි අයට පහර දීමෙන් පසු “සැඟවීමට කිසිවක් නැත” යැයි ට්රම්ප් පැවසීම වොෂින්ටනයේ ඇතැම් පිරිස් පුදුමයට පත් කර තිබේ.
නියෝජිත මන්ත්රී මණ්ඩලයේ කතානායක මයික් ජොන්සන්, එප්ස්ටයින් ලිපිගොනු නිකුත් කිරීමේ උත්සාහය “ප්රජාතන්ත්රවාදී වංචාවක්” ලෙස නැවත නැවතත් හඳුන්වා තිබුණේය.
මෙම පියවර අමෙ රිකානු සෙනෙට් සභාවට ළඟා වීමට දින කිහිපයක් ගතවනු ඇතැයි අපේක්ෂා කළ නමුත්, නියෝජිත මන්ත්රී මණ්ඩලයේ විශිෂ්ට ඡන්දයෙන් පසුව, කාලසීමාව ඉක්මනින් වේගවත් විය.
