යුක්රේන යුද අර්බුදයට විසඳුම් සෙවීම සඳහා රුසියානු සහ අමෙරිකානු ජනාධිපතිවරු අතර හංගේරියාවේ පැවැත්වීමට නියමිත සාකච්ඡාවේදී ප්රගතියක් අත්කර ගැනීමට හැකිවනු ඇතැයි රුසියාවේ ජනාධිපති කාර්යාලයේ ප්රකාශක දිමිත්රි පෙස්කොව් ප්රකාශ කළ බව එරට ටාස් පුවත් සේවය වාර්තා කරනවා.
යුක්රේන අර්බුදය විසඳීමට අවශ්ය කරන යම්කිසි ප්රවේශයක් මේ සාකච්ඡාවෙන් ලබා ගැනීම රුසියාවේ අරමුණ බවත්, අනතුරුව එහි ප්රගතිය භාවිත කරමින් යුක්රේන සමඟ ද්විපාර්ශ්වික සාකච්ඡා ආරම්භ කිරීමට හැකිවනු ඇතැයි පුටින්ගේ ප්රකාශකවරයා විශ්වාසය පළ කළ බවයි එම පුවත් සේවය වැඩිදුරටත් වාර්තා කළේ.
හංගේරියාවේ බුඩාපේස්ට් අගනුවර දී පැවැත්වීමට නියමිත ව්ලැදිමිර් පුටින් – ඩොනල්ඩ් ට්රම්ප් සමුළුව සඳහා මෙතෙක් නිශ්චිත දිනයක් තීරණය වී නොමැති අතර, එය කඩිනමින් සිදුවනු ඇති බව ද වාර්තා වනවා.
