රෝමයේ ඔගස්ටස්ගේ සොහොන් ගෙය වටා තිබූ සංකේතාත්මක සයිප්රස් ගස් බොහොමයක් කපා දමා ඇති අතර, එය ප්රදේශවාසීන්ගෙන් සහ පුරාණ ස්ථානයට පැමිණෙන අමුත්තන්ගෙන් දැඩි විරෝධයක් ඇති කර තිබෙනවා.
ගස් කැපීම ජුනි මස මුලදී නිවේදනය කර තිබුණා.
නව පෙනුමක් ඇති පියසා පැත්තේ සහ සුඛෝපභෝගී බල්ගේරි හෝටලය ඉදිරිපිට අවම වශයෙන් ගස් 15 ක් කපා දමා ඇති අතර, අවසාන ගස් කිහිපයක් පමණක් තවමත් අරා පැසිස් කෞතුකාගාරයට මුහුණලා පවතිනු දක්නට හැකියි.
කෙසේවෙතත් නගර බලධාරීන් පවසන්නේ පියසා ඔගස්ටෝ ඉම්පෙරටෝර් හි ගස් මහජන ආරක්ෂාවට අවදානමක් ඇති කිරීම හේතුවෙන් එම ගස් කපා දැමීමට කටයුතු කළ බවයි.
එමෙන්ම විශේෂඥයින් විසින් මෙම සන්ධිස්ථාන ගස් රෝගී සහ වැටීමේ අවදානමක් ඇති බව සොයා ගැනීමෙන් පසුව කපා දැමීමට තීරණය කළ බව කැපිටොලින් අධිකාරීවරයා සඳහන් කළා.
රෝමයේ පළමු අධිරාජ්යයාගේ සොහොන් ගැබේ සෙවණෙහි නව පදික ප්රදේශය වසර පහක ඉදිකිරීම් කටයුතුවලින් පසු, ජුනි මාසයේදී මහජනතාව සඳහා විවෘත කරන ලද අතර, එය දශක දෙකක් පැරණි ප්රධාන ව්යාපෘතියක් වනවා.
2026 අවසන් වන විට කෞතුකාගාරයක් ලෙස විවෘත කිරීමට නියමිත සොහොන් ගෙය දෙසට මුහුණලා රවුම් ඇවිදීමේ මාර්ගයක් නිර්මාණය කිරීම ඇතුළුව, වැඩ කටයුතුවල අවසන් අදියර දැනට සිදුවෙමින් පවතිනවා.
