චීන නාවික හමුදාව නිවේදනය කළේ J-15T, J-35 සහ KongJing-600 යන ගුවන් යානා වර්ග, ෆුජියන් ගුවන් යානා ප්‍රවාහන නෞකාව මතින් ප්‍රථම වතාවට electromagnetic catapult ක්‍රමවේදය ආධාරයෙන් ගුවන් ගතවීම් සහ ගොඩබෑමේ පුහුණුව සාර්ථකව අවසන් කළ බවයි.

මෙම පුහුණුවේ සාර්ථකත්වය හරහා පෙන්නුම් කරන්නේ, චීනය දේශීයවම නිෂ්පාදනය කළ පළමු ගුවන් යානා ප්‍රවාහන නෞකාවට electromagnetic catapult පද්ධති භාවිතයෙන් ගුවන්ගත කිරීමේ සහ නැවත ගොඩබෑමේ හැකියාව ලැබී ඇති බවයි.

මෙය චීන ගුවන් යානා ප්‍රවාහන නෞකා සංවර්ධනයේ තවත් ඉදිරි පිම්මක් ද සනිටුහන් කරනවා.

නාවික හමුදාවට අනුව, මෙම පුහුණුව මගින් චීනයේ සම්පූර්ණයෙන්ම දේශීයවම නිෂ්පාදනය කරන ලද electromagnetic catapult ක්‍රමවේදය සහ ගොඩබෑමේ පද්ධති, විවිධ ගුවන් යානා වර්ග සමඟ මනා ලෙස අනුකූල වන බව තහවුරු වී තිබෙනවා.

මෙයින් අදහස් කරන්නේ ෆුජියන් නෞකාවට මුලික සම්පූර්ණ මෙහෙයුම් හැකියාවන් ලැබී ඇති බව වන අතර, එමගින් විවිධ වර්ගයේ ගුවන් යානා නෞකා බලඇණියට ඒකාබද්ධ කිරීමට මඟ පෑදී ඇති බවයි.

J-15T, J-35 සහ KongJing-600 ගුවන් යානා සැප්තැම්බර් 3 වන දින, ජපන් ආක්‍රමණවලට එරෙහි චීන ජනතා විරෝධතා යුද්ධයේ සහ ලෝක යුද විරෝධී යුද්ධයේ 80 වන සංවත්සරය සැමරීම සඳහා පැවති දැවැන්ත හමුදා පෙළපාලියකදී ප්‍රදර්ශනය කරනු ලැබුවා.

මෑත වසරවලදී, චීන නාවික හමුදාවේ ගුවන් යානා ප්‍රවාහන නෞකා මත පදනම් වූ ගුවන් සේවා ක්ෂේත්‍රය එහි සංවර්ධනය වේගවත් කර ඇති අතර, තනි ගුවන් යානා වලින් ඒකාබද්ධ පද්ධති දක්වාත්, වෙරළබඩ සිට නෞකා මත මෙහෙයුම් දක්වා දියුණුව ලබා තිබෙනවා.

චීන නාවික හමුදාව ලෝක මට්ටමේ බලඇණියක් බවට පත්වීමේ ඉලක්කය කරා ස්ථාවරව ගමන් කිරීම සිදු වනවා.

චීනයේ තුන්වන ගුවන් යානා ප්‍රවාහන නෞකාව වන, අංක 18 දරන ෆුජියන් නෞකාව, 2022 ජුනි මාසයේදී දියත් කරන ලද අතර එය ෆුජියන් පළාතේ නමින් නම් කර තිබෙනවා.

චීනයේ පළමු ගුවන් යානා ප්‍රවාහන නෞකා දෙක වන ලියාඕනිං (Liaoning) සහ ෂැන්ඩොං (Shandong) වල ඇති ස්කී-ජම්ප් තට්ටු මෙන් නොව, ෆුජියන් හි පැතලි පියාසැරි තට්ටුවක් ඇති අතර, එහි සම්පූර්ණ බර ටොන් 80,000 ඉක්මවනවා.

2024 මැයි මාසයේ සිට එහි පළමු මුහුදු අත්හදා බැලීම් සිදු කළ දා සිට, ෆුජියන් සැලැස්මට අනුව මුහුදු පරීක්ෂණ මාලාවක් සිදු කර ඇති අතර, උපකරණ ක්‍රියාත්මක කිරීම සහ සමස්ත මෙහෙයුම් ස්ථාවරත්වය තක්සේරු කිරීම් සමඟින් ඉදිරියට යමින් පවතිනවා.