ට්රම්ප් හිතවාදී චාලි කර්ක්ගේ මරණය දේශපාලන ඝාතනයක් ලෙස බලධාරීන් පවසනවා.
කොන්සවේටිව් ක්රියාකාරී චාලි කර්ක්ට වෙඩි තැබූ සැකකරු ඊයේ පොලිස් අත්අඩංගුවට ගැණුනා.
ඔහු වයස අවුරුදු 22 ක් වන ටයිලර් රොබින්සන් නම් තරුණයෙකු වන අතර ඔහු පසුගියදා කිසිදු පක්ෂග්රාහී බවක් නොදැක්වූ බවයි වාර්තා වන්නේ.
ඒහෙත් ඔහුගේ පවුලේ සාමාජිකයින් කියාසිටියේ රොබින්සන් මෑතක සිට දේශපාලනය වී ඇති බවයි.
ඒමෙන්ම වෙඩි තැබීම සිදු වූ ස්ථානය අසල පතොරම් මත ලියූ ෆැසිස්ට් විරෝධී පණිවිඩ ද සොයාගෙන තිබුණා.
රොබින්සන් වොෂින්ටනයේ, උටාහි හැදී වැඩුණු අතර දක්ෂ අධ්යයන වාර්තාවකින් පසු යූටා ප්රාන්ත විශ්ව විද්යාලයට ඇතුළත් වීමට ශිෂ්යත්වයක් ලබා ගත් නමුත්, මහජන වාර්තා, සමාජ මාධ්ය සහ විශ්ව විද්යාල ප්රකාශයකට අනුව, එය අතහැර දැමීමට සිදුවුණා.
ප්රාන්ත සහ ෆෙඩරල් අධිකරණ වාර්තාවල ඔහු සම්බන්ධ කිසිදු පෙර අපරාධ නඩුවක් නොපෙන්වයි.
පැය 33ක දැවැන්ත මෙහෙයුමකින් පසු බ්රහස්පතින්දා රාත්රී 10 ට පමණ රොබින්සන් අත්අඩංගුවට ගත් බවයි FBI අධ්යක්ෂ කාෂ් පටෙල් පැවසුවේ.
