යුක්රේනයට එල්ල වූ ප්රහාරයකදී තම ගුවන් සීමාව උල්ලංඝනය කළ රුසියානු ඩ්රෝන යානා වෙඩි තබා බිම හෙළූ බව පෝලන්තය සඳහන් කරනවා.
එය යුක්රේන යුද්ධය ආරම්භ වීමෙන් පසු නේටෝ රට තම ගුවන් සීමාව තුළ රුසියානු වත්කම් සෘජුවම සම්බන්ධ කරගත් පළමු අවස්ථාව සනිටුහන් කරන බවයි විදෙස් මාධ්ය සඳහන් කරන්නේ.
පෝලන්ත සන්නද්ධ හමුදාවන් සඳහන් කර ඇත්තේ, ඩ්රෝන යානා මගින් නැවත නැවතත් ගුවන් සීමාව උල්ලංඝනය කර ඇති බවත්, ආයුධ භාවිත කර ඇති බවත්, බිම හෙලන ලද ඉලක්ක සොයා ගැනීමට මෙහෙයුම් සිදුවෙමින් පවතින බවයි.
මීට පෙර, හමුදා ක්රියාකාරකම් හේතුවෙන් පෝලන්තයේ ප්රධාන ගුවන් තොටුපළ ඇතුළු ගුවන් තොටුපළ හතරක් වසා දමා ඇති බවයි විදෙස් මාධ්ය වාර්තා කරන්නේ.
රුසියාව ප්රමුඛ හමුදා අභ්යාස බෙලරුස් හි පැවැත්වීමට නියමිත බැවින්, බ්රහස්පතින්දා මධ්යම රාත්රියේදී බෙලරුස් සමග දේශසීමාව වසා දැමීමට සැලසුම් කර ඇති බව පෝලන්තය මීට පෙර ප්රකාශ කළා.
