ව්යාජ ලබුබු බෝනික්කන් මඟින් හුස්ම හිරවීමේ අවදානමක් ඇති කළ හැකි බවට විදෙස් මාධ්ය වාර්තා සඳහන් කරනවා.
ළමයින්ට බරපතළ අවදානමක් ඇති කළ හැකි මෙම ව්යාජ ලබුබු බෝනික්කන් විකිණීමේ යෙදෙන වෙළෙදුන්, වෙළඳ ප්රමිති ආයතනය විසින් අත්අඩංගුවට ගැනීමට කටයුතු කරන බවට නිලධාරීන් අනතුරු අඟවා තිබෙනවා.
විදෙස් වෙළෙඳ ප්රමිති නිලධාරීන් පවසා ඇත්තේ, චීන නිෂ්පාදිත සෙල්ලම් බඩු සඳහා ඇති ජනප්රියතාවය ඉහළ යාම, ව්යාජ නිෂ්පාදකයින්ගේ ප්රධාන ඉලක්කයක් බවට පත්ව ඇති බවයි.
ඔවුන් ව්යාජ ලොම් සහිත බෝනික්කන් සඳහා වෙන් කළ හැකි කුඩා කොටස් එකතු කිරීම හේතුවෙන් මෙලෙස හුස්ම හිරවීමට ඇති අවදානම ඇතිව තිබෙන බව නිලධාරීන් වැඩිදුරටත් සඳහන් කරනවා.
ගෙවුණු සතිය තුළ මෙම ව්යාජ බෝනික්කන් සම්බන්ධයෙන් ලද තොරතුරු මත වෙළෙඳුන්ගෙන් බෝනික්කන් 100ක් පමණ පොලිස් භාරයට ගෙන තිබෙනවා.
මහජන දැනුවත්භාවය වර්ධනය වන විට මෙම අත්අඩංගුවට ගැනීම් සැලකිය යුතු ලෙස වැඩි වනු ඇති බවටයි විදෙස් මාධ්ය වාර්තා කරන්නේ.
දෙමාපියන් මෙන්ම දරුවන් රැකබලා ගනු ලබන්නන් මෙම බෝනික්කන් මිලදී ගැනීමේදී වගකිව යුතු තැන්වලින් පමණක් ලබාගන්නා ලෙසට කොවෙන්ට්රි නගර සභාවේ නියෝජ්ය නායක අබ්දුල් සලාම් ඛාන්ද ප්රකාශ කර තිබෙනවා.
ව්යාජ බෝනික්කන් සැලකිය යුතු ලෙස අඩු මිලකට අලෙවි වන බවත්, ඒ සඳහා නිවැරදි QR කේත නොමැති බවත් නිලධාරීන් සොයාගෙන තිබෙනවා.
